عمرو الليثي: «اللي يظلم عيالي يبقى خصيمي ليوم الدين»
أكد الإعلامي عمرو الليثي خلال برنامجه «إنسان تاني» أن أولاده يمثلون أهم ما يملك في حياته، مشيرًا إلى أنه كرس عمره وصحته من أجلهم، ويتمنى أن يراهم في أفضل حال.
وقال الليثي: «اللي ييجي على عيالي ماحبوش، واللي يظلمهم يبقى خصيمي ليوم الدين. أنا عمري وصحتي كانت عشانهم، ونفسي أشوفهم أحسن ناس، وما بحبش اللي يدوس لهم على طرف».
عمرو الليثي: ربيت أولادي على الرحمة والتسامح
وأوضح عمرو الليثي أنه حرص على تربية أبنائه على قيم الرحمة والتسامح والإحسان، إلا أنه يرى أن الحياة تضم أشخاصًا يتعاملون بمنطق مختلف.
وقال: «أنا ربيت ولادي على الرحمة والتسامح والإحسان، لكن فيه ناس في الحياة بيلعبوا بقوانين تانية خالص.. قوانين الغابة اللي مفيهاش رحمة ولا ضمير».
وأضاف عبر حساباته الرسمية على مواقع التواصل الاجتماعي: «ولهذا أوقات كتير بفكر في تربيتي لهم.. هل أخطأت إني ربيتهم كويس؟ وبعدين أرجع أقول لنفسي: أنا ربيتهم على الأصول. ربيتهم يكونوا ضهر لبعض، ويكونوا سند في وش الزمان».
دعاء عمرو الليثي لأبنائه
واختتم الليثي حديثه بالدعاء لأبنائه، قائلًا: «بدعي ربنا يحفظ ولادي من شرور ونفوس الناس، ويقويهم على اختيار الطريق الصحيح، ويخليهم يعرفوا إن اللي ليه رب كبير عمره ما يغرق أبداً».
برنامج «إنسان تاني»
ويأتي برنامج «إنسان تاني» في إطار حرص عمرو الليثي على تقديم محتوى إنساني واجتماعي هادف، يتناول قصصًا ملهمة ونماذج ناجحة من المجتمع، لأشخاص واجهوا تحديات صعبة وتمكنوا من بدء حياة جديدة.
