والد ياسين يوجه نصائح للآباء: صاحبوا ولادكم.. للأسف مكنتش قريب من ابني |خاص
وجه والد الطفل ياسين، ضحية واقعة مدرسة دمنهور، مجموعة نصائح إلى الآباء والأمهات بعد الواقعة الأليمة التي تعرض لها نجله.
وقال والد الطفل ياسين في تصريحات لـ نيوز رووم:"بنصح كل أب وأم أنهم يصاحبوا أبنائهم ويقربوا منهم، أنا للأسف مكنتش قريب من ابني".
ضغوط الحياة بتاخدنا من أولادنا وبتخلينا نأثر في حقهم
وأضاف: "إحنا ضغوط الحياة بتاخدنا من أولادنا وبتخلينا نأثر في حقهم.. والتليفون والسوشيال ميديا هما اللي بيربوا.. يا ريت الأمور تتحسن بينا وبين ولادنا ونصاحبهم ونقدر نسمعهم ونشوف يومهم كان عامل إزاي وتعبانين من إيه.. علشان نقدر نلاحظ عليهم أي تغير.. لأن لو مش بنكلمهم مش هنعرف".
وعن الحالة النفسية لابنه، قال: “ابني مش بيروح مدارس من وقت الواقعة.. فيه صعوبة أنه حتى يروح الدروس أو أن المدرس يتابع معاه في البيت.. نفسيًا الموضوع بقى صعب السيطرة عليه.. وبنحاول نأهله نفسيًا علشان ينسى اللي حصل يتأقلم وسط الأطفال”.
وأكمل: “بيخاف يدخل الحمام.. ولحد دلوقتي لو إحنا بره بيخاف يخلي حد يدخل معاه الحمام بيزقني بره ويدخل لوحده”.
وعن ردة فعله عندما علم بالواقعة منذ سنة قال: “بالنسبة لأب مغترب مش موجود مع ابنه كانت صدمة، أنا كنت في الإمارات ولما عرفت قلبي اتقطع على ابني.. إحنا مدخلينه مدرسة من مدارس الصفوة عكس أخواته في مدارس حكومة.. وعمرنا ما كنا نصدق أن ده يحصله”.
