لايف كوتش: كل قرار له ثمن.. والنجاح لا يأتي دون تضحيات
قالت اللايف كوتش نرمين البحيري، إن كثيرًا من الفتيات اليوم يترددن في الإقبال على الزواج، بسبب رغبتهن في تحقيق النجاح والتألق في العمل أولًا، بالإضافة إلى الخوف من المجتمع والضغوط المحيطة بهن، مؤكدة أن على كل فتاة أن تحدد ما تريده بوضوح قبل اتخاذ أي قرار.
تحقيق النجاح والتألق في العمل أولًا
وأضافت «البحيري»، خلال لقائها ببرنامج الستات مايعرفوش يكدبوا، عبر شاشة سي بي سي، : «ركزي على اللي إنتِ عايزاه، واعرفي إن كل حاجة ليها ثمن، مفيش حاجة مالهاش ثمن، النجاح له ثمن، والفشل له ثمن، والتردد له ثمن، وحتى اتخاذ القرار له ثمن».
وأوضحت أن هناك فرقًا بين الثمن الذي يدفعه الإنسان مقابل الحصول على شيء، والثمن الذي يستنزفه دون أن يحصل في المقابل على أي مكسب، قائلة: «في ثمن بتدفعيه وبتمشي واخدة حاجة في إيدك، وفي ثمن إنتِ عمالة تستنزفي وبتدفعيه وما بتاخديش في المقابل حاجة».
وتابعت: «النقطة المهمة جدًا إنك لو هتدفعي ثمن إنك تواجهي مجتمع أو تخسري حاجة معينة، لازم تسألي نفسك: إنتِ كسبتي إيه؟ ركزي على المكسب، وركزي إنتِ بتاخدي إيه في المقابل، وركزي كمان: إنتِ هتنامي راضية عن نفسك، ولا كل همك ترضي الناس؟ وإنتِ راضية ربك، ولا ماشية بترضّي الناس وناسيه هو ربنا أصلًا راضي ولا لأ؟».
وأكدت أن البحث عن قرار لا يترتب عليه أي ثمن سيؤدي إلى الجمود وعدم التقدم، قائلة: «لو إحنا قعدنا ندور على المعادلة اللي ما فيهاش ثمن، يؤسفني أقول لك هتفضلي واقفة في مكانك، مش هتروحي في حتة».
وتابعت: «ركزي على اللي إنتِ عايزاه، واعرفي إن كل حاجة ليها ثمن، مفيش حاجة مالهاش ثمن، النجاح له ثمن، والفشل له ثمن، والتردد له ثمن، وحتى اتخاذ القرار له ثمن».
وأوضحت أن هناك فرقًا بين الثمن الذي يدفعه الإنسان مقابل الحصول على شيء، والثمن الذي يستنزفه دون أن يحصل في المقابل على أي مكسب، قائلة: «في ثمن بتدفعيه وبتمشي واخدة حاجة في إيدك، وفي ثمن إنتِ عمالة تستنزفي وبتدفعيه وما بتاخديش في المقابل حاجة».
