راندا البحيري: "بنام ساعة واحدة ومش فاضية ولكني شاطرة"
أثارت الفنانة راندا البحيري الجدل، خاصة بعد منشورها الأخير التي اوضحت من خلاله أن تفاعلها مع رسائل متابعيها ليس اختيار ولكنه شئ أساسي، وأن لديها العديد من المشاريع ولكنها تشارك جمهورها تدوينات وترد على تعليقاتهم، وذلك من خلال منشور عبر حسابها الرسمي على موقع التواصل الإجتماعي فيسبوك.
راندا البحيري ترد على انتقادات كتابتها لتدوينات على حسابها
وعلقت راندا البحيري قائلة: “حبايبي اللي بيشوفوني بكتب تدوينات كتير علي فيس بوك، أنا ممكن اكون بكتبها وانا بصور مشهد و بالفعل ايام تصوير مسلسل سلسال الدم كنت بكتب بوست بين كل مشهد و التاني، او اكون بكتبها وانا بطبخ طبخه لأهل بيتي، او وانا بعمل ديل مهم جدا جدا في الشغل، انا شخص بينام ساعه او اتنين في اليوم، ومش مستنيه حد يقولي ده خطر ولازم تنامي لان أنا مولوده كده عندي حاجه بتخليني مقدرش انام غير ساعه في اليوم. ووالله لو اقدر انام اكتر من كده مكنتش اترددت ثانيه واحدة، أنا الحمدلله واحده عندها بدل المشروع ٧، عندي شركتي في الإمارات العربية المتحدة بقالي ٣ سنين فاتحاها علشان كده بسافرلها اًوقات علشان اخلص شغل الشركه هناك و شركتي في مصر اللي هي في الأصل شركة لتأسيس مطاعم و كافيهات، ده غير أني شريكة في مشاريع تانيه مع شركاء آخرين، ده غير اني مريضه بقالي سنين ب كذا مرض بتعافي منهم كل فتره و بخش مستشفيات و بخرج من غير ما اعمل هوليله و من غير ما اصور فيديوهات من جوا المستشفيات”.
واستكملت راندا البحيري حديثها قائلة: “موبايلي في ايدي اغلب الوقت برد و بتكلم، ده مش معناه اني فاضية!!!! كل يري الناس بعين طبعه، انت لو شايفني فاضية، يبقي حضرتك متقدرش تعمل كل اللي بعمله و كمان تتواصل مع جمهورك، و التواصل مع الجمهور ده بقي حاجه أساسيه جدا مش أوبشن، أنا مش فاضية، أنا شاطرة”.
راندا البحيري في مسلسل الضحايا
وقد شاركت الفنانة راندا البحيري في مسلسل الضحايا، التي تدور أحداثه حول سلسلة من الوفيات الغامضة التي تلاحق كل من يقترب من عالم سلطان، وكأن هالة من السم تحيط به، تقتل كل من يحاول محبته أو كشف سره، حيثُ سلطان ليس رجلًا عاديًا، بل هو كيان منقسم، صراع أزلي يسكن جسدًا واحدًا، نصفه إنسان يمتلك مشاعر الندم، ونصفه جن يقتات على الظلام.
