راندا البحيري تهاجم دكتور: "احتاجته ملاقيتهوش عشان بيصور محتوى"
خرجت الفنانة راندا البحيري عن صمتها لتهاجم أحد الأطباء النفسيين، بعد عدم رده عليها بسبب انشغاله عن الرد عنها بسبب تصوير محتوى على السوشيال ميديا، وذلك من خلال منشور عبر حسابه الرسمي على موق التواصل الإجتماعي فيسبوك.
راندا البحيري تهاجم دكتور
وقالت راندا البحيري: “ظاهرة خدت بالي منها ومع احترامي الشديد لكل الدكاترة اللي بحبهم جدا، لكن بالذات الأمراض النفسية و العصبية و اللايف كوتشينج و كام تخصص كمان كله إتجه لتصوير المحتوي و مبقاش حد فيهم بياخد مواعيد، و لا بيردوا طبعا ولا حتي عندهم سكرتاريه يردوا ياخدوا مواعيد، و غالبا لو حد من عندهم رد هيقولك هو برا مصر، شكرا ليكم جميعاً و عمري ما هنسي أني وأنا في اشد الاحتياج لدكتور من الدكاترة دول ملقيتهوش و مش علشان هو بيولد ست ولا بيلحق مريض لا هو بيصور محتوي ممكن ينزل علي صفحته يجيب ٢٠ لايك، طبعا مش بتكلم عن الكل، أنا عديت ب ده مع واحد من أحسن الدكاترة و كانت الساعة ((اونلاين)) يعني مش هقابله حتي و كانت ب رقم كبير جدا بالدولار و كنت موافقة علشان كنت فعلا تعبانة، بس برضه فضلوا ياخدوا و يدوا معايا و يقولولي علي السعر و اقولهم موافقة المهم عايزة اكلمه، و في الاخر معرفتش أوصله، نزلت grade، و كلمت حد أقل منه نفس نفس الشئ، و هكذا و هكذا و هكذا”.
استغاثة راندا البحيري
في سياق آخر، قد خرجت الفنانة راندا البحيري لتستغيث بشدة بعد وفاة الفنانة الراحلة سهام جلال، لما وصل له حال الفنانين، وذلك من خلال منشور عبر حسابه الرسمي على موقع التواصل الإجتماعي فيسبوك.
حيث قالت راندا البحيري معلقة: “في الانترفيو ده، سهام الله يرحمها كانت طالعه بتتكلم عن شئ بديهي، التصاريح بتطلع لـ ممثلين جُداد او ممثلين عمرهم في حياتهم ما مثلوا. في حين أن فيه ممثلين بالاسم مشتغلوش من أيام الثورة، الثورة يعني من 16 سنة، أرجو من الجهات المعنية القوي الناعمة و ممثلين بلدنا مينفعش يتبهدلوا كده،أحنا بنمشي في أي شارع من شوارع سواء بلدنا أو خارج الجمهورية الناس بتقف تسألنا عن مصر، يعني أحنا بنمثل بلدنا بجد، مش كلام بيتقال والله، اللي مكتوب في بطاقته انه ممثل، وبقاله 16 سنة من الثورة ممثلش يأكل ولاده منين؟؟؟؟؟”.
