شمس البارودي تدافع عن شهيرة: ما تقدروش توصلوا للست دي في رقيها وأخلاقها
حرصت الفنانة شمس البارودي على الدفاع عن الفنانة شهيرة، بعد الانتقادات الأخيرة التي طالتها.
وقالت شمس البارودي في فيديو عبر حسابها بموقع فيسبوك: "أنا عايزة أدافع عن شهيرة، أنتم ما تقدروش توصلوا للست دي في رقيها وأخلاقها وجمالها
متخيلين إن هذه الزوجة المخلصة، زوجها في آخر 5 سنين ماكنش عارف حد غيرها، إزاي بتهاجموا الست دي ؟ على فكرة كان فيه قانون اسمه العيب عايزة الريس يفعله
من ناحيتها ردت شهيرة وكتبت: "آه والله في قلوبهم مرض فزادهم الله مرضا ولهم عذاب أليم بما كانوا يكذبون ))صدق الله عظيم هنقتص منكم يوم القيامه بأذن الله
ولا يهمك ياست الستات زي ماقلتي الشهره لها تمن".
وكانت شهيرة علقت على الانتقادات التي لاحقتها وتداول أنباء مغلوطة عنها وكتبت: "أنا مستغربة جدًا، هو فيه إيه يا جماعة ؟، هو مابقاش فيه حد في مصر تتكلموا عنه غير العبدة لله، النفس اللي بتنفسه".
وتابعت : "الكلمة اللي أقولها تتحور ويبقي لها معاني أخرى، علشان البعض يلم مشاهدات من وراء الفنان، وعلشان عارفين إن أنا تريند على طول فتستغلون وتتبسطوا وتفرحوا وتاكلوا من ورانا بالباطل".
وأضافت شهيرة : "بقول للناس دي اتقوا الله، لأني بدعي على كل إنسان تجاوز في حقي، وتقول عليا بما ليس في وحسبنا الله ونعم الوكيل، ده غير إني هقتص منكم يوم القيامة فردًا فردًا، وشيلوا بقى ذنوب كالجبال ، والله علي كل شيئ قدير، جمعه خير وبركة على كل حبايبي".
