بدوي فهمي في رسالته لـ محمد رمضان :اللي حواليك بيبعدوك عن الناس اللي بتحبك|خاص
وجه الفنان بدوي فهمي رسالة خاصة للفنان محمد رمضان، بعد أن تعاون منه في عدة أعمال منها مسلسلات ابن حلال وزلزال ونسر الصعيد.
وقال بدوي فهمي في رسالته لـ محمد رمضان، من خلال فيديو لايف مع موقع نيوز رووم : “نفسي رسالتي توصلك وبحبك، ومن أول ما بدأت معاك وأنا بقولك هتبقى نجم النجوم”.
وتابع بدوي : “بس اللي حواليك بيبعدوك عن الناس اللي بتحبك، وأنت من جوه إنسان طيب وبتعمل خير”.
وكان قد أكد بدوي فهمي تكفل الفنان والنائب ياسر جلال بعلاجه من السرطان، بعد استغاثته به مؤخرًا، مما شهد تفاعلًا واسعًا من رواد السوشيال ميديا.
وقال فهمي خلال فيديو لايف مع موقع نيوز رووم أيضًا : “ياسر جلال دخلني المستشفى وقبل ما أوصل البيت كان باعتلي فلوس قد كده، وهو ابن ناس وفنان ابن فنان وأخو فنان”.
وواصل بدوي فهمي : “اشتغلت مع ياسر جلال من زمان وقت مسلسل لن أعيش في جلباب أبي وكل عمل بيعمله بيقول هاتوا بدوي”.
وبدأت القصة باستغاثة بدوي فهمي بالنجم ياسر جلال، لإصابته بالسرطان، مؤكدًا احتياجه إلى أموال كثيرة للعلاج وغير قادر على توفيرها.
وقال بدوي لـ ياسر في إحدى الفيديوهات المتداولة عبر السوشيال ميديا : “مش لاقي أكل وبنام في الجراج، وعندي سرطان في البروستاتا، والمستشفى عايزة مصاريف جامدة أوي، وحياة ابنك وبنتك ما تسبنيش”.,
وعلى الفور استجاب له ياسر جلال ورد عليه : “وحياة بنتي ما هسيبك ومش هنساك وعيب تقول الكلام ده، أنت على راسي يا بدوي، أنا عمري ما قصرت معاك”.
