بدوي فهمي لـ ياسر جلال بعد تكفله بعلاجه:عارفك من 35 سنة ولسه بنفس أخلاقك |خاص

أكد الفنان بدوي فهمي، تكفل الفنان والنائب ياسر جلال بعلاجه من السرطان، بعد استغاثته به مؤخرًا، مما شهد تفاعلًا واسعًا من رواد السوشيال ميديا.

وقال بدوي فهمي خلال فيديو لايف مع موقع نيوز رووم : “ياسر جلال دخلني المستشفى وقبل ما أوصل البيت كان باعتلي فلوس قد كده، وهو ابن ناس وفنان ابن فنان وأخو فنان”.

وواصل بدوي : “اشتغلت مع ياسر جلال من زمان وقت مسلسل لن أعيش في جلباب أبي وكل عمل بيعمله بيقول هاتوا بدوي”.

وتابع : “استغث بـ ياسر جلال لأني عارف إن قلبه طيب زي ماجد المصري وطارق لطفي ومحمد رياض، وأحمد خالد صالح ربنا يكرمه يارب وهو زي أبوه، واللي خلف مامتش”.

واختتم بدوي فهمي بتوجيه رسالة لـ ياسر جلال باكيًا، حيث قال : “ربنا يخليك ويكرمك ويعليك أكتر وأكتر يا فنان يابن الفنان، يا محترم ياللي أنا عارفك بقالي 35 سنة، ولسه بنفس طبعك وأخلاقك، وكفايا إن كل الناس بتحبك”.