فيدرا تكشف عن رسالة مرتضى منصور لها في بداية مشوارها |فيديو
كشفت الفنانة فيدرا عن مدى تأثرها برسالة خاصة أوصاها بها المستشار مرتضى منصور المحامي الخاص بها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
نصيحة مرتضى منصور لفيدرا
وعلقت فيدرا قائلة: “أنا بحب مرتضى منصور وأعرفه من زمان جدًا وليا شرف أنه المحام بتاعي، مرتضى قالي كلمة زمان اللي مبيجريش ورا حاجته حاجته مش بتاخد أهمية، لازم تحسسي اللي قدامك أنك مهتمة بحاجتك عشان هو أساسًا يهتم بحاجتك، لو حد شافك مش مهتم هيقول صاحب الشئ مش مهتم أنا أهتم ليه، وطبعا هو صح، دي نضيحة فضلت اسمعها طول حياتي بقيت بتابع حاجتي بنفسي مهما كان مين غال عليها، في الأول والأخر دي أشيائكم وتهمكم أنتوا بالدرجة الأولى”.
فيدرا تهاجم أحد الأشخاص بسبب مقتل قطة
في سياق آخر، قد خرجت الفنانة فيدرا عن صمتها لتهاجم أحد الأشخاص المتابعين لها، ووصفته بلا إنسانية بسبب تصويره لهجوم كلاب على قطة وقتلها، وذلك من خلال مقطع فيديو لديها عبر حسابها الرسمي على موقع التواصل الإجتماعي فيسبوك.
وعلقت فيدرا قائلة: “لو حد كاتب بوست مش عاجبني مبردش، في واحد عندي دايمًا بيكتب بوستات مستفزة بالنسبالي كمحبة للحيوانات، نزل فيديو لكلاب بتهجم على قطة وبتقتلها، بس دي طبيعة الحال بينهم، هو بقى واقف بيصور وكاتب أنا كنت عايز أنقذها بس الكلب الأبيض اللي ورا منعني، زقك يعني ولا عملك ايه، ده أنت لو رميت طوبة على كلاب في المدينة بيجروا، سيبتهاغ تموت وكنت واقف تصور شئ طبيعي بيحصل في العالم كله، أنت أهم حاجة عندك أنك تثبت للعالم بصوا الكلاب الوحشة، أنت فين يا جميل يااللي مش شراني، ده غير الأذى النفسي اللي أثرت بيه على الناس بسبب الفيديو ده، ما هي ماتت خلاص، اللي فارق معايا بجد هو: إزاي إنسان يقف يتفرج على روح بتتقتل، ويقول “حاولت وما قدرتش”، وهو في نفس الوقت واقف بيصور بكل هدوء؟، الأهم عنده إنه يثبت وجهة نظره، حتى لو الثمن كان روح بتتقتل قدامه، فيه فرق كبير بين إنك توثق حدث، وإنك تختار تبقى متفرج على المأساة، انت مش صح، انت مؤذي لينا كلنا.”
