قصر الكبابجي: لو الـ10 حاجات دي موجودة عندك.. افتح فرع جديد فورًا
قصر الكبابجي: لو الـ10 حاجات دي موجودة عندك.. افتح فرع جديد فورًا
نشر مسئول الصفحة الرسمية لمطاعم قصر الكبابجي فيديو دعائي يوضح فيه: « 10 حاجات لو موجودين في مطعمك يبقى إنت جاهز تفتح فرع جديد».
وأضاف المسؤول، «أولا مبيعاتك ثابته لفترة طويلة مش مجرد زحمة موسمية أو تريند مؤقت وجودة الأكل بتطلع بنفس المستوى كل يوم سواء في وقت الهدوء أو وقت الضغط».
وتابع: «الطعم مش معتمد على شيف واحد أو شخص واحد لكن مبني على وصفات ومعايير واضحة بالإضافة إلى وجود سيستم تشغيل منظم كل فرد من الفريق عارف دوره ومسؤولياته بالظبط والفريق متدرب كويس وعنده القدرة أنه ينقل نفس طريقة التشغيل لفريق جديد في فرع جديد».
واستكمل: «الموردين بيكونو ثابتين والخامات اللي بنستخدمها جودتها مضمونة ومتوفرة باستمرار بالإضافة إلى أن الأرقام واضحة وعارف تكلفة الطبق ونسبة الهدر ومصاريف التشغيل وصافي الربح وده معناه إنه النجاح مش تجربة مرة واحدة لكنه ثقة متكررة من العملاء».
وأكد: «وجود إدارة قادرة تتابع أكتر من فرع من غير ما الجودة أو الخدمة تتأثر وكمان بنختار مكان الفرع الجديد بعد دراسة دقيقة وهل المكان الجديد هيبقى مناسب ولا لا»، متابعا: « وأخيرا عشان تفتح فرع جديد دي مسؤولية كبيرة مش مجرد نجاح وخلاص لأنه وقتها هتبقى مطالب أنك تحافظ على نفس الكواليتي في كل الفروع وده دايما اللي بنحاول نعمله في قصر الكبابجي».
