يرسم مجدي يعقوب بالمقلوب.. أبانوب بباوي يبهر عمرو الليثي في "واحد من الناس"

حل الفنان والرسام الموهوب أبانوب بباوي ضيفًا على الإعلامي الدكتور عمرو الليثي في برنامج "واحد من الناس" على شاشة قناة الحياة، ليكشف عن موهبة استثنائية وطرق غريبة في الرسم أبهرت الجمهور.

وقال أبانوب بباوي خلال اللقاء: "أنا اسمي أبانوب بباوي، اكتشفت موهبتي في الرسم وأنا طفل صغير في ابتدائي، كنت برسم أي حاجة أشوفها قدامي على ورق الكراسة، وبدأت أطور نفسي بنفسي من خلال الفيديوهات" ، وقام برسم لوحتين في نفس الوقت واحدة بأيده والثانية برجله وامنت المفاجاة هي صورة للإعلامي د. عمرو الليثي والآخرة لوالده المنتج والسينارست الكبير ممدوح الليثي.

وعن دراسته وكيف يوازن بينها وبين موهبته، قال: "أنا طالب، وبقدر أوازن بين دراستي وموهبتي بتنظيم الوقت، بخلص مذاكرتي وبعدها أتفرغ للرسم والتدريب لساعات طويلة، لأن الرسم بالنسبة لي مش هواية بس ده حياة"، ورسمت صور للنجم محمد صلاح والجراح العالمي مجدي يعقوب وايضا نفرتيتي وابو الهول ووجه الشكر للفنان حمزة العيلي وتواصل معي ووجه الشكر لي عن الصورة التي رسمتها له وساعدني ودعمني في الظهور في ملتقي اولادنا  ، وقدمت عدد من الرسومات في حفلات  

وكشف عن أول لوحة رسمها: "أول لوحة رسمتها كانت لوالدي ووالدتي بقلم رصاص، ولسه محتفظ بيها لحد دلوقتي لأنها وش الخير عليا".

وعن أغرب طرقه في الرسم، أكد: "عندي طرق غريبة ومختلفة، برسم بالمقلوب، وبرسم من ضهر اللوحة، وبإيدي الاتنين، لكن أصعب طريقة فيهم هي إني أرسم لوحتين مختلفتين تمامًا، واحدة بإيدي وواحدة برجلي في نفس اللحظة، ودي بتحتاج تركيز عالي جدًا وتحكم في العقل الباطن".

وقدم أبانوب خلال الحلقة عرضًا مباشرًا أبهر الاستوديو، حيث رسم لوحة بالمقلوب ولوحة أخرى من ظهرها لتظهر مقلوبة أمام الجمهور ثم معتدلة.

وعن تقديم عروضه أمام الجمهور، قال: "أيوه بقدم عروض لايف قدام جمهور كبير، وأول مرة وقفت قدام الناس كنت مرعوب وإيدي بتترعش، لكن أول ما بدأت أرسم لقيت الناس كلها بتسقف وده اداني ثقة كبيرة".

وعن أكثر رد فعل فاجأه: "أكتر رد فعل فاجأني لما طفل صغير بعد العرض قالي نفسي أبقى زيك، حسيت وقتها إن موهبتي ليها رسالة".

وفاجأ أبانوب البرنامج برسم شخصية عامة على الهواء، حيث اختار رسم الدكتور مجدي يعقوب، وقال:*
"الدكتور مجدي يعقوب قدوتي، لأنه رسام قلوب، وأنا رسام لوحات، وحلمي أرسمه وأهديه اللوحة بنفسي".

وعن الداعم الأكبر له: "أكبر داعم ليا هو والدي ووالدتي، هما اللي شجعوني من أول يوم وبيستحملوا ساعات تدريبي الطويلة".

وعن عائلته: "عندي إخوات، لكن مفيش حد فيهم عنده نفس الموهبة بنفس الشكل، أنا الوحيد اللي عندي الطرق الغريبة دي".

وكشف سر تحكمه في يده وقدمه معا: "الموضوع كله تدريب وتعود، بدرب عقلي إنه يفصل.. إيدي ترسم حاجة وعيني مركزة مع رجلي بترسم حاجة تانية خالص، وبتاخد مني شهور تدريب على الحركة الواحدة".

واختتم حديثه عن طموحاته: "أنا كل يوم بدرب نفسي على طريقة جديدة، وطموحي أوصل للعالمية وأمثل مصر في أكبر المسابقات والمهرجانات الدولية، وأثبت إن الفن المصري فيه مواهب تقدر تتحدى المستحيل". 

وقدمت في موسوعة جينيس انني استطيع رسم لوحتين في نفس الوقت واحدة بيدي والاخري برجلي وفي ختام الفقرة قام برسم لوحة للفنان احمد زكي بفيلم الهروب ورسمها وهو لا يراها ويقف خلف اللوحةً