بعد 14 عاما من الغربة.. يوسف بطرس غالي: مصر اتغيرت بطريقة جبارة
أكد الدكتور يوسف بطرس غالي، وزير المالية الأسبق، أنه اشتاق خلال سنوات الغربة إلى كثير من تفاصيل الحياة اليومية في مصر، وعلى رأسها الناس والزحام وأجواء الشوارع.
الزحمة والهيصة والشوارع كانت وحشاني
وقال، خلال لقائه في بودكاست «موعد مع لميس» الذي تقدمه الإعلامية لميس الحديدي: «الناس.. الزحمة والهيصة والشوارع اللي كلها دوشة.. ده اللي كان واحشني».
وردا على سؤال الإعلامية لميس الحديدي حول أوجه التغيير التي لمسها في مصر بعد عودته، عقب 14 عامًا من الغربة، قال: «طبعا.. اتغيرت كتير، حصلت طفرة في البنية التحتية.. الطرق جبارة، إحنا زمان كانت الطرق بتاعتنا على قدنا، دلوقتي بتبصي تلاقي طرق وكباري، وبعدين كبرت».
أكتوبر اتغيرت بطريقة جبارة
وأضاف: «القاهرة وسعت، وفي أحياء جديدة ظهرت، والتجمع الخامس بقى فيه التجمع المعرفش كام.. أماكن ولا عمري كنت شفتها. مثلا أنا سبت 6 أكتوبر، وكانت ثلاثة أرباعها صحراء في 2011، دلوقتي بقت مدينة فوق مدينة فوق مدينة.. اتغيرت بطريقة جبارة».
