«ناكل لحمه بس و بلاش فراخ؟».. طبيبة التغذية تكشف لـ ملكة التريندات مفاجأة

أجابت دكتورة التغذية العلاجية ميراند إميل، على جدل تناول الفراخ واللحوم، مؤكدة أن الدجاج يعتبر نوع رائع من البروتين ولا يحتوي على دهون مشبعة، كما أنه يتضمن معادن وفيتامينات هامة ومفيدة للجسد مثل البروتين والزنك، مضيفة: «مفيش حاجة اسمها ممنوع أي حاجة ربنا بيخلقها رائعة.. لكن إذا كان شخص مش عايز يأكلها ده مش تعميم وأنا بكره كلمة ممنوع ناكل حاجة مفيش حاجة اسمها ممنوع».

أهمية تعويض البروتين من عدة مصادر أخرى

وأضافت، خلال استضافتها في برنامج «ملكة التريندات» مع الإعلامية سارة مكي، المذاع عبر نيوز رووم، أن الشخص الذي قرر الابتعاد عن تناول الدجاج عليه أن يعوض البروتين من مصار أخرى، مؤكدة أن البروتين يعد مصدر الحياة لجسم الإنسان فهو مفيد لكرات الدم الحمراء والشعر.

وأشارت دكتورة التغذية العلاجية ميراند إميل، إلى أهمية تعويض البروتين من عدة مصادر، مثل البيض والسمك واللبن واللحوم وبعض البقوليات.

وفي سياق الحلقة، كشفت ميراند إميل، عن مدى أهمية اللبن، قائلة: «اللبن والبيض أعلى نسبة بروتين ويسموه عالي الجودة، وأي شركة أدوية بتحاول تصنع حاجة بروتينات بتقارنها بالبروتين عالي الجودة اللي هو البيض، لإنه مكوناته من الأحماض الأمينية، واللبن، وطبعا حاجات تانية».  

اللبن يحتوي على مجموعة فيتامينات

وأضافت: «يعني لما أقول إن دا بروتين عالي الجودة يديني علطول الحل إني مش هلاقي زيه، طب صفار البيض مثلا فيه اي؟، أولا هو عالي الجودة في البروتين وكمان فيه مجموعة فيتامينات كتيرة جدا».   

اللبن عبارة عن كالسيوم وفيتامين د

وتابعت دكتورة التغذية العلاجية: «كمان بيدينا فيتامين A في الصورة النشطة بتاعته، اللي هو ساعات لو عندي نقص فيتامين أ يبقى عندي جفاف في العين بنسمعها كتير، عندي كمان فيها فيتامين K، كل المعادن فيها، وبياض البيض ألبيومين بروتين». 

واختتمت: «بالنسبة لـ اللبن عبارة عن كالسيوم وفيتامين د، يعني عظام يعني ابني الكبير يطول وكمان فيه بروتين، يبقى اي الوحش فين».