بعد لقاؤه مع نيوز رووم.. شذى لشقيق محمد رحيم: "كل اللي بيتقال ده كذب"
خرجت الفنانة شذى عن صمتها لترد على التصريحات الأخيرة للدكتور طاهر شقيق الملحن الراحل محمد رحيم في برنامج ملكة التريندات المذاع على موقع نيوز رووم، لتكشف عن الحقيقة الكاملة حول حقيقة انفصال محمد رحيم عن زوجته أنوسة كوتة، وذلك من خلال منشور عبر حسابها الرسمي على موقع التواصل الإجتماعي فيسبوك.
شذى ترد على التصريحات الأخيرة لشقيق محمد رحيم
حيث قالت شذى في منشورها: “كل ما أقرر مليش دعوه ومش هرد علي حاجات من النوع ده ألاقي حاجات من النوع ده من الواجب و العشره و العيش و الملح و حرمت الميت ان يترد عليها لا رحيم ميستاهلش كده أبدا عيب بجد عيب !!!!!!!، ما بلاش استفزاز بقا يا جدع د احنا أخواته أكتر منك !!! ، بعيدا عن أن كل اللي بيتقال ده كذب و ربنا شاهد و أنا كنت قريبه و شاهده بس ده حتى لو حصل و طبعا بقول فرضًا لان كل ده أي كلام، إفتكر ان رحيم الله يرحمه خلف طفل هيكلا و هيبقى راجل و عيب الكلام ده ، ده انت خليتني أحمد ربنا اني معنديش إخوات !، ملحوظة متكلمنيش و لا تبعتلي، تثبتني بكلمتين كالعادة لإن حقيقي طفح الكيل إحترم أخوك اللي جه الدنيا و مشي و كلنا بنحبه و بنحترمه ده غير ان هو فنان كبير و مهم كفايه تلويث فيه بقا كفايه اللي أتعمل يوم وفاته و مش هقول غير كده و هكتفي بالكلمتين دول علشان مزعلهوش و هو في دار الحق و احنا في دار الباطل لان للأسف كان بيحب أهله و بيحب كل الناس و مكنش بيحب يوجع حد حتى لو كان ليه حق، الفاتحة لروحه فضلا و ليس أمرا”.
انفصال محمد رحيم عن زوجته أنوسة كوتة
حيث كشف طاهر رحيم شقيق الراحل الفنان محمد رحيم، عن رفضه فكرة زواج أخيه الراحل من مدربة الأسود أنوسة كوتة، معتبرا أنهم لم يكونو مناسبين إلى بعضهما لبعض، على العلم أنه علم بعد وفاة أخيه أنهما كانا منفصلين داخل منزل الزوجية.
وأضاف شقيق الفنان محمد رحيم، خلال تصريحات خاصة عبر برنامج ملكة التريندات مع الإعلامية سارة مكي المذاع على موقع نيوزرووم، أنه كان يشعر أن أخيه لم يكن مبسوط في زواجه من مدربة الأسود و النمور أنوسة كوتة، قائلا: «وأنا كنت دايما طول الوقت قلقان عليه ودايما كنت أقوله محمد في حاجة كده مش بسطاني فكان يهزر ويقلبها بهزار يقولي مالك انت قلب الأم ولا اي أقوله لا معرفش بس حاسك صحيا مش عاجبني ومش مبسوط».
“كان بيحط همه في الأورج”
وتابع شقيق الفنان محمد رحيم: «أن أخيه الراحل كان بيحط همه في الأورج وفي ألحانه فقط على العلم أن أنوسة كوتة في البداية لم تظهر اي شئ وحش إطلاقا ولكن محمد كان شخص رومانسي وحساس ودي بتاعة أسود فالشخصيتين مش راكبين وأنا مش لوحدي اللي قولت الكلام ده لكن الوسط الفني كله والوسط الإعلامي قال إزاي الجوازة دي ».
واستطرد: «في ناس بعد وفاة أخويا قالولي إحنا نبهنا محمد أخوك وحذرناه من الجوازة دي وهو اللي مكانش بيسمع الكلام هو كان بيحبها جدا على الرغم أنها لم تظهر لي أي شئ وحش أيام ماكانت متجوزة محمد».
ولفت شقيق الفنان محمد رحيم إلى أنه بعد وفاة أخيه علم أنه لم يكن مرتاحا في زيجته من أنوسة كوتة، قائلا: «واحده صاحبتها بعد وفاة أخويا جت قالتلي أنهم كانو منفصلين وفي سر وهو أنه أخويا محمد رحيم كان شخص مسالم وكان شخص هادئ وكان شخص مبيحبش المشاكل عشان ابنه كمان وهو كان عارف أنه لو اتنفس الصحافة كانت بتتكلم فهو كان راجل بيتحلى بالعقل وشال جواه كتير وأنا كان نفسي أخويا يفضفض معايا ويشكيلي وجعته وأنا كنت اقدر أحميه».
وأوضح شقيق الفنان محمد رحيم: «ولكن أخويا كان قافل على حياته وهو راجل مع مراته وأنا كنت هدخل ولا هقول اي مكانش ليا دخل بقا وخصوصا لو الجزئية خاصة بين راجل وزوجته».
