فاتن عبد المعبود تكشف كواليس استعداد فريق البرنامج لمتابعة منتخب مصر
كشفت الإعلامية فاتن عبد المعبود، خلال تقديمها برنامج «اليوم هنا القاهرة» المذاع عبر شاشة «مودرن إم تي في»، أنها حولت أندرو، المتخصص في السوشيال ميديا، وأحمد، المتخصص في الفن، إلى متابعة الشأن الرياضي، موضحة: «أنا النهاردة خليت أندرو وأحمد حتحوت، أندرو سوشيال وأحمد حتحوت فن، فأنا النهاردة قلبتهم بقوا رياضة، جابوا لي معلومات عن الحكم وعن الفريق وعن الدنيا بتقول إيه، ومن إمبارح بالليل حولنا كل المسارات».
من جانبه، أوضح أحمد: «سهرانين، تحولنا يا جماعة، مبقيناش أهل الفن، بقينا أهل الكورة وأهل الرياضة»، مضيفا: «بس عشان مصر طبعا لازم نعمل كده».
فيما علق أندرو مازحا: «أنا بسمع صوت أحمد بفتكر هاني حتحوت، ودايما بفتكر محمد صلاح حاضر معانا».
لترد فاتن عبد المعبود ضاحكة: «ده هاني.. ده هاني».
واختتمت حديثها مازحة: «على فكرة عيدروس بيقولكم إن أنتوا ممكن متطلعوش أصلا، فأنا بس عايزة أبلغكم عشان أنتوا تعبتوا في البحث والسرش، فهنريحكم دلوقتي».
