تامر أمين يشيد بحسام حسن: أخيرا عندنا منتخب بيلعب كورة

تحدث الإعلامي تامر أمين عن عن فوز منتخب مصر على المنتخب الأسترالي والتأهل لدور الـ 16 في كأس العالم، قائلا: «احنا أول مرة نتأهل من مجموعة في كأس العالم، وأول مرة نتأهل من دور 32 وندخل في الـ 16، الحاجة المهمة اللي مفرحاني أكتر إن لأول مرة منذ فترة طويلة يبقى عندنا منتخب بيلعب كورة وليه شخصية، يا كاتب التاريخ اكتب الصفحات». 

مصر الطرف الأفضل في المباراة 

وأضاف، خلال تقديم برنامجه «آخر النهار»، المذاع على قناة «النهار»: «لأول مرة واحنا قاعدين بنتفرج على المباراة حاسين وفرحانين إنه الطرف الأفضل في المباراة وإنه يستحق الفوز، على مدار سنوات كتير يمكن أخر مرة حاسينا الإحساس دا كان في زمن حسن شحاتة». 

لأول مرة منتخبنا المصري يبقى ليه شخصية

وتابع: «لأول مرة منتخبنا المصري يبقى ليه شخصية وطريقة، ونتأكد إن اللاعيبة دي اللي كان بيتقال عليها زمان اهي دي القماشة اللي عندك هتعمل بيها اي، لكن اكتشفنا اهو إن القماشة دي تعرف تطلع لاعيبة حلوة لما تنضبط وتنسجم ويجيلها مايسترو وقائد بقلب أسد زي حسام حسن وإبراهيم حسن».   

زمان كنا ممكن نكسب بس بالتيلة

وواصل: «زمان كنا ممكن نكسب بس بالتيلة وبنطلع مش فرحانين بالأداء بس دلوقتي حتى لو مكسبتش وخسرت أي ماتش من دول بس تقول عندنا منتخب وعندنا كورة وعندنا أداء، عشان كده لازم مشوار ومشروع حسام حسن يكمل أيا كانت نتيجة مباراة الثلاثاء المقبل».