زوجة حسام حسن: كان واثق وأول حاجة طلبها بعد الفوز «اهدوا الإنجاز لأهل فلسطين»
كشفت دانا آدم زوجة المدير الفني للمنتخب المصري حسام حسن، عن كواليس الساعات التي أعقبت الإنجاز الذي حققه المنتخب، مؤكدة أن زوجها كان يمتلك ثقة كبيرة في قدرات اللاعبين منذ البداية، ولم يفقد إيمانه بإمكانية تحقيق الهدف.
اللعيبة معايا رجالة
وقالت دانا: «لا إحنا نستاهل وهنعدي وهنعدي وهنعدي هو كان واثق إنه هيقدر وكان على طول بيقولي متقلقيش يا دان إن شاء الله هنقدر، اللعيبة معايا رجالة وإحنا واللعيبة كويسين ومقديين وهنعمل حاجة حلوة».
أكثر ما كان يشغل حسام حسن
وأضافت أن أكثر ما كان يشغل حسام حسن بعد تحقيق النتيجة لم يكن الحديث عن الإنجاز نفسه، وإنما توجيه رسالة إنسانية، موضحة: «هو كان متأثر جدا وأكتر حاجة كان عايز الناس كلها تسمعها إنه بيهدي الفوز ده لأهلنا في فلسطين وإن كل اللي هو فيه وكل الحاجات دي بيهديها لفلسطين ولأهل غزة دي أكتر حاجة كان بيقولها».
الضغوط والحملات التي تعرض لها زوجها
وتحدثت أيضا عن الضغوط والحملات التي تعرض لها زوجها خلال الفترة الماضية، مشيرة إلى أنها شعرت بتأثيرها أكثر منه، وقالت: «هو كان حاسس قد إيه من واقع الكلام اللي كان حاصل والحملات اللي كانت موجودة أنا لما كلمته بعد المباراة كلمته تليفون عادي معملتش فيديو، لكنه هو اللي قالي لا اتصلي فيديو زي كل مرة».
حسام حسن حاول طمأنتها
وأوضحت أن حسام حسن حاول طمأنتها والتخفيف عنها لأنه اعتاد التعامل مع الانتقادات والهجوم، قائلة: «هو تقريبا متعود على الحملات دي لكن أنا اللي مش متعودة دي أول مرة أتحط فيها».
واختتمت دانا حديثها بالكشف عن نصيحة زوجها لها بعد ظهورها الإعلامي، مضيفة: «كان بيقولي يا دان ده طبيعي أول ما الناس عرفت إنك مراتي وإنك مرتبطة بحد بيعمل حاجة للبلد طبيعي هتلاقي ناس بتحاربك زي ما في ناس بتدعمك وقالي استمري ومتقوليش إني منزلش لأن أنا نزلت عشان أشارك الناس الفرحة وأحسسهم إن حسام معاهم».
