عبدالمنعم عمارة: الست المصرية الأولى على العالم في النكد
قال عبدالمنعم عمارة وزير الشباب والرياضة الأسبق: «أنا قرأت دراسات كتير جدا بتأكد إن الست المصرية هي الأولى عالميا في النكد».
وأضاف، خلال استضافته في برنامج «الستات» المذاع عبر شاشة النهار، مع الإعلامية مفيدة شيحة والإعلامية سهير جودة، أنه لم يعتنق هذا الرأي، ودائما ما يدافع عن المرأة المصرية، مؤكدا أنها مرأة عظيمة.
ومن جانبها قالت الإعلامية دينا عبدالكريم: «الست المصرية مش نكدية لكن هي متحملة مسؤوليات كتير جدا.. بتصحى من 5 تعمل واجباتها مع أولادها وبعدين تتحمل مسؤولية البيت وزوجها».
وفي هذا الصدد، قالت الإعلامية مفيدة شيحة: «يعني الراجل بيكون راجع من الشغل مش عايز يتكلم معاها ولا حتى يسمعها.. قولي طريقة تانية غير البوز ممكن الست تلمح بيها لزوجها إنها زعلانه».
وخلال الحلقة، استرجع الدكتور عبدالمنعم عمارة، وزير الصحة الأسبق ذكريات طفولته، مؤكدا أنه كان متعلق بوالدته للغاية، كما أنه توفت وهو صغير، ما أثر على نفسيته بالسلب.
وأضاف: «ربنا عوضني بزوجة أبويا شبه أمي جدا وبحمد ربنا على ده وكمان عوضني بزوجتي»، مشيرا إلى أنه يعتبر زوجته وأولاده سر الحياة بالنسبة له.
وتابع: «ربنا عوضني كمان بشغلي لما كبرت.. وكلاقتي بالرئيس السادات كانت كويسة جدا كان بيقولي ياواد يا عبدالمنعم.. أقوله متقوليش يا واد أنا وزير ياريس».
وأكد أيضا أنه كان يجمعه علاقة طيبة بالسندريلا سعاد حسني، قائلا: «سعاد كانت بتكلمني كتير جدا في اليوم ساعة مثلا.. وكنت بقعد أقولها اختصري أنا مراتي قاعدة جنبي».
وتابع: «في مرة كنت في لندن مع مراتي وهي شافتها وقالتلي هتشوف سعاد حسني بس مش هتعرفها ولا هتصدق إن دي هي.. هي كانت عندها يأس من الحياة جدا في الوقت ده».
