عبد المنعم عمارة عن زواج الرئيس مبارك بشقيقته: ده ظلم للراجل وكلام مش حقيقي
استرجع الدكتور عبدالمنعم عمارة، وزير الصحة الأسبق ذكريات طفولته، مؤكدا أنه كان متعلق بوالدته للغاية، كما أنه توفت وهو صغير، ما أثر على نفسيته بالسلب.
وأضاف، خلال حلقة اليوم من برنامج «الستات» مع الإعلامية سهير جودة والإعلامية مفيدة شيحة المذاع عبر شاشة النهار: «ربنا عوضني بزوجة أبويا شبه أمي جدا وبحمد ربنا على ده».
وشدد أنه يعتبر زوجته وأولاده سر الحياة بالنسبة له، كما أعرب عن تقديره الكبير لوالدته.
وتابع: «ربنا عوضني كمان بشغلي لما كبرت.. وكلاقتي بالرئيس السادات كانت كويسة جدا كان بيقولي ياواد يا عبدالمنعم.. أقوله متقوليش يا واد أنا وزير ياريس».
وأكد أنه عندما ضغل منصب نائب في مجلس الشعب كان صغيرا للغاية، قائلا: «لما اتعينت عضو مجلس شعب في مدينة القناة كنت صغير جدا لدرجة إن وأنا داخل العسكري وقفني ومكانش مصدق إني نائب علشان كنت صغير جدا».
وخلال الحلقة، رد على شائعة زواج الرئيس مبارك بشقيقته، قائلا: «ده ظلم للراجل وكلام مش حقيقي.. والدكتو رمصطفى الفقي كلمني قالي هو الرئيس اتجوز أختك فعلا، أصلا وقتها كانت أختي متجوزة والكلام ده مش حقيقي».
كما تطرق للحديث عن كأس العالم، قائلا: «نظرية الأهلي والزمالك قسمت الشعب.. والرياضة أصلا بالنسبالي مشروع والمشكلة إن لو حد عمل مشروع محدش بيكمله.. مثلا أنا عملت مدرسة الموهوبين وبعدين لما مشيت اتقفلت مع إنها كانت حاجة مهمة جدا وهتفرق في مستوى منتخب مصر في كأس العالم علشان هيكون في موهوبين كتير»، مشددا على أهمية العمل على مشروع اكتشاف المواهب، مضيفا: «جمعت روؤساء الأندية وقولتلهم نشتغل على المشروع ده لكن ولا حد عبرني».
وأكد أيضا أنه كان يجمعه علاقة طيبة بالسندريلا سعاد حسني، قائلا: «سعاد كانت بتكلمني كتير جدا في اليوم ساعة مثلا.. وكنت بقعد أقولها اختصري أنا مراتي قاعدة جنبي».
وتابع: «في مرة كنت في لندن مع مراتي وهي شافتها وقالتلي هتشوف سعاد حسني بس مش هتعرفها ولا هتصدق إن دي هي.. هي كانت عندها يأس من الحياة جدا في الوقت ده».
