ياسمينا العلواني بعد اعتزالها: أنا تعبانة جسديًا ادعوا لي بالتعافي

طالبت المطربة الشابة ياسمينا العلواني جمهورها بالدعاء لها، مشيرة إلى أنها تمر بأزمة صحية، وذلك بعد فترة من اعتزالها وارتدائها الحجاب.

وكتبت ياسمينا العلواني عبر حسابها بموقع انستجرام من خلال خاصية الاستوري: “مش مختفية، أنا تعبانة جدًا جسديًا وبرتب حياتي عشان لما أرجع ما قفش تحت أي ظرف فادعوا لي كتير، ادعوا لي بالتعافي.. ادعوا لي بالتوفيق”.

ياسمينا العلواني تعلن ارتدائها الحجاب والاعتزال

وفاجئت المطربة الشابة ياسمينا العلواني جمهورها الشهر الماضي، بإعلان اعتزالها الغناء وارتدائها للحجاب، حيث شاركت العلواني فيديو لها على فيسبوك تحدثت خلاله عن السبب.

وقالت ياسمينا العلواني، إنها قررت أن ترتدي الحجاب، موضحة: "أنا قررت أتحجب والقرار ده أنا مش وخداه إمبارح ولا وخداه أول أمبارح، القرار ده بقاله سنين معايا عمال يروح ويجي، ووده لأني بحسبها بدماغي كتير، ولكن المره دي لما قررت إني أحسبها بدماغي وقلبي الإتنين مع بعض لقيت إن هما الاتنين واخدين نفس القرار، دي حاجة لازم كلنا كبنات نعملها أصلًا، وأي بنت مش محجبة لازم في يوم من الأيام تاخد الخطوة دي وتتحجب لأن ديننا عايز مننا كده وأكيد ده له سبب.

وأضافت ياسمينا العلواني ناصحة الفتيات: “مش لازم يبقى شكلنا حلو بس، يعني قلبنا لازم يبقى حلو وأخلاقنا أحلى، وده اللي المفروض نهتم به،  ويا رب تكون خطوة حلوة، وأنا عارفة إن في ناس كتير هتضايق وناس كتير أوي مش هتضايق وهتتبسط لي أكيد، الناس اللي بتحبني هتتبسطلي أكيد، وعارفة إن حياتي من النهارده بتتغير، وعارفة إنها بتتحول 360 درجة”.

وأكدت ياسمينا العلواني أنها كانت متفقة على التجهيز لأعمال الفترة الحالية ولكنها ستفقدها، موضحة: كان في شغل أنا متفقة عليه عارفة أنه خلاص مش هيبقى موجود وحياتي هتتغير وشغلي كله هيتغير ومتوترة أكيد، لإني داخلة على حياة جديدة من أولها لآخرها، ومش عارفة هعمل إيه بس اللي واثقة منه إن أنتم هتدعموني وإن أنتم مش هتسيبوني، ويارب نولها لأي حد نفسه فيها، كل سنة وأنتم طيبين.

يُشار إلى أن ياسمينا العلواني عرفت من خلال برنامج المواهب الغنائية أراب جوت تالنت في عام 2014، واكتسبت وقتها شهرة واسعة بعد حصولها على الباز الذهبي من الفنانة نجوى كرم، بعدما غنت ياسمينا أغنيتي لكوكب الشرق أم كلثوم في مرحلة تجارب الأداء.