جومانا ماهر: بحط نفسي مكان المشاهد وبحاول أسأل أسئلته
قالت الإعلامية جومانا ماهر، أنا حاولت أثبت نفسي من البداية أدركت مسؤولية المكان اللي أنا فيه فكرة أنه قدام شاشة وبدخل بيوت الناس فكان لازم طول الوقت أشتغل على نفسي، بالإضافة إنه لما دخلت بقا ماسبيرو إبتداءا من صباح الخير يا مصر شوفت القامات اللي قبلي عملو أي وعرفت هما إزاي كانو قادرين أنه يحفروا أساميهم في عقول المشاهدين وقلوبهم.
وأضافت، خلال تصريحات عبر موقع نيوزرووم، « أن ذلك من خلال إحترام المشاهد ومصداقيتهم وثقتهم في نفسهم ولغة الجسد والصوت فبقيت بشوف وبقيت بحاول أشتغل على نفسي طول الوقت وطول الوقت بحاول أنه أحط نفسي مكان المشاهد وأعرف هو عايز يسمع اي وعايز يعرف اي ومحتاج اي».
وتابعت: «بحاول أكون مكان المشاهد وأسأل أسئلته وده لازم يصاحبه كمان مذاكرة كتير أوي وتشتغلى على نفسك كتير أوي وطول الوقت أكون متابعة كل حاجة بتحصل حواليا والموضوع يمكن مش سهل بس تحدي قريب لقلبي فعلشان كده عارفة أعمله».
وفي سياق آخر، قالت الإعلامية جومانا ماهر، أنا طول الوقت حاسه أنه أنا لسه محققتش إنجاز في حياتي لسه محتاجه أعمل وعندي خطوات كتير أوي ونقلات كتير أوي وطول الوقت لسه محتاجه أشتغل على نفسي.
وأضافت الإعلامية جومانا ماهر، خلال تصريحات عبر موقع نيوزرووم، «أنا في مرة فكرت في نفسي أنه أنا خلاص جاهزة أو أنه دي نقطة تحول في حياتي لا خالص طول الوقت حاسه أنه أنا لسه في تاني».
بحب أسمع التعليقات على أدائي
وتابعت الإعلامية جومانا ماهر: «لما حد بيجي يتكلم معايا بعد كل حلقة ويقولي الحاجات الكويسة أقوله لا قولي الحاجات اللي عندك عليها تعليقات والحاجات اللي المفروض أخد بالي منها وطول الوقت حاسه أنه لسه في نقاط تحول ولكن ممكن أقول أنه لما قدمت مهرجانات سينمائية كانت نقطة تحول ولما قدمت أخبار وتغطيات إخبارية كانت برضو نقطة تحول وبرنامج صباح الخير يا مصر كل ذلك كانو بالنسبة لي نقطة تحول».
وفي سياق آخر، لم تتمالك الإعلامية جومانا ماهر دموعها أثناء حديثها عن والدها الراحل في مناسبة عيد الأب، حيث ظهرت في لحظة مؤثرة غلبها فيها التأثر الشديد وهي تستعيد ذكرياتها معه.
