جومانا ماهر تكشف لـ نيوز رووم أولى لحظاتها أمام الكاميرا: مخي مكانش مستوعب

كشفت الإعلامية جومانا ماهر، عن أولى لحظات وقوفها أمام الكاميرا، قائلة: «أول مرة أقدم برنامج كنت خايفة جدا ومش فاهمة أي حاجة.. مكنتش فاهمة أنا هنا بعمل إيه يعني أنا واحدة خريجة صيدلة واشتغلت مكنتش فاهمة أنا هنا بعمل إيه».

وأضافت، خلال تصريحاتها لـ نيوز رووم : «لكن كان الوقوف أمام الكاميرا بالنسبالي حاجة جديدة وأنا بحب أجرب الحاجات الجديدة وبدأت كدا وفضلت أتدرب على الكاميرا والمسجل ومخي مكانش مستوعب لحد ما طلعت أول لحظة هوا».

وفي سياق حديثها كشفت الإعلامية جومانا ماهر، عن رأيها في حملات الهجوم على السوشيال ميديا، قائلة: «حملات الهجوم على السوشيال ميديا أو إن حد يقتص تصريح ويعمل عليه تريند بالنسبالي شبه النصب والاحتيال».

 الـ AI والـ DEEP FAKE صعبوا الموضوع

وأضافت: «هي مسؤولية كبيرة جدا حتى على الشخص اللي بيتفرج لأنه مينفعش أصدق أي حاجة.. الأنرنت سهل الدنيا وخلى العالم كله مفتوح على بعض.. بس زي ما سهل الدنيا صعب الموضوع علشان لازم تدور في كل حاجة بتشوفها علشان مع الـ AI والـ DEEP FAKE  كل حاجة بقت ممكن تبان كأنها حقيقة.. لازم تتحققي من كل شيئ».

وخلال حديثها كشفت الإعلامية جومانا ماهر عن تفاصيل غير معلنة حول كواليس تقديمها للنسخة الرابعة من "منتدى شباب العالم"، واصفة تلك اللحظات بأنها كانت مزيجا من الفخر والتوتر الشديد، وذلك خلال لقاء خاص عبر موقع "نيوز رووم".

ينفع أمشي؟.. خوف خلف الكواليس

وبسؤالها عن شعورها في تلك اللحظة الفارقة وهي تقف أمام الرئيس عبد الفتاح السيسي والوفود الدولية، ردت جومانا موضحة أن الكلمات تعجز عن وصف حجم القلق الذي شعرت به.

وقالت جومانا ماهر: "كلمة خايفة ومتوترة دي كانت بسيطة، كنت خايفة جدا وكنت كل شوية أفضل أبص في القاعة ألاقي ناس كتير وزحمة كتيرة، وبقول للناس اللي جنبي اللي أنا معرفهاش ينفع أمشي؟".

أصعب ثانيتين في العمر

وتابعت جومانا وصفها لتلك اللحظات المهيبة عند انطلاق الفعالية وصول كبار رجال الدولة، قائلة: "أنا كنت خايفة جدا وطبعا لحظة وصول الوفود الرسمية والرئيس السيسي والسيدة الأولى انتصار السيسي.. أنا أول ثانيتين عدوا عليا كأنهم سنتين، لكن بعد كدة الحمد لله الدنيا مشيت واطمنت".