سيد علي يحسم الجدل حول تصريحات زوجة حسام حسن: لم تكشف أي أسرار
كشف الإعلامي سيد علي حقيقة ماتم تداوله على ما نسب إلى زوجة الكابتن حسام حسن خلال مداخلة معه سابقة، قائلا: «الماتش اللي فات لما كسبنا طلعت معانا السيدة دان زوجه كابتن حسام حسن والحقيقه ماتكلمتش في أي حاجه خالص هي قالت إن كان في أنه اللغز كله هو حسام عمل ايه في اوضه اللبس عشان اللعب يتحول من الشوط الاول للشوط الثاني الكلام ده كان من حسام نفسه هي ما قالتش سر».
وأضاف، خلال تقديمه برنامج «حضرة المواطن» المذاع على قناة الحدث اليوم، «الكلام ده حسام كان قاله واتردد واتقال 100 مره قبلها يعني هي دخلت معانا تقريبا الساعه 7 الكلام ده كان متقال والست طلعت وفرحانه وزي ما كل القنوات جابت بناته والزوجه الفاضله المحترمه الاولى وجايبين أصحابه يعني عادي يعني الصور تتفرد ما تبقاش كده».
أنا فوجئت بحمله هجوم وقضايا وتتمنع الغريبه
وتابع: «أنا فوجئت بحمله هجوم وقضايا وتتمنع الغريبه في المساله إن بعض الاعلاميين يعني انا كإعلامي عمري في يوم من الأيام ما قلت للمصدر ما تطلعش او أمنعه من الظهور إحنا في مولد المونديال حسام حسن الذي أصبح أسطوره من حق الناس تعرف مراته وبنته وعيلته وأخوه الثاني».
وأشار: «ده طبيعي ان احنا بنعمله ولا بنسيء لحد ولا بنتدخل في حد وانا اشهد ان السيده دان زوجه الكابتن ماتكلمتش من وقتها يعني انا انا بشوف حاجات أحيانا الحقيقه بس ما أنا شخصيا بتعرض لحاجات وما بردش يعني انا شخصيا بتعرض لعمليات شتيمه وسب وكده بقول سودوا صفحاتكم حسبي الله ونعم الوكيل».
وفي سياق آخر، علق الإعلامي سيد علي على مباراة مصر وإيران، قائلا: «عادة شهر يونيو مش بنبقى مبسوطين في أوي عشان بيبقى شهر امتحانات وثانوية عامة ومصاريف وبنبقى لسه خارجين من العيد الكبير ثم كانت نكسة 67 في شهر يونيو، إنما السنه دي بفضل الكورة المزاج العام للمصريين في شهر يونيو في السما بفضل الكورة».
وأضاف الإعلامي سيد علي، خلال تقديمه برنامج «حضرة المواطن» المذاع على قناة الحدث اليوم، «الكوره عامله مزاج عام عند المصريين مش عادي الناس اللي بتقعد للساعه 4 الفجر تصلي الفجر وبعدين تشوف الماتش والناس اللي بتقعد للساعه 6 الصبح وبعدين تخرج للشوارع بنتنشأ على الفرحه متشعبطين في الفرحه عايزين اي حاجه تفرحنا إنما النهارده الصبح كان يوم عجيب وغريب في دراما غير عاديه الحقيقه».
