سيد علي: الدقائق الأخيرة من مباراة مصر وإيران كانت دراما مجنونة
علق الإعلامي سيد علي على مباراة مصر وإيران، قائلا: «عادة شهر يونيو مش بنبقى مبسوطين في أوي عشان بيبقى شهر امتحانات وثانوية عامة ومصاريف وبنبقى لسه خارجين من العيد الكبير ثم كانت نكسة 67 في شهر يونيو، إنما السنه دي بفضل الكورة المزاج العام للمصريين في شهر يونيو في السما بفضل الكورة».
وأضاف الإعلامي سيد علي، خلال تقديمه برنامج «حضرة المواطن» المذاع على قناة الحدث اليوم، «الكوره عامله مزاج عام عند المصريين مش عادي الناس اللي بتقعد للساعه 4 الفجر تصلي الفجر وبعدين تشوف الماتش والناس اللي بتقعد للساعه 6 الصبح وبعدين تخرج للشوارع بنتنشأ على الفرحه متشعبطين في الفرحه عايزين اي حاجه تفرحنا إنما النهارده الصبح كان يوم عجيب وغريب في دراما غير عاديه الحقيقه».
المنتخب الإيراني أمريكا بتعامله معامله رديئة
وتابع الإعلامي سيد علي: « إحنا كنا بنلعب مع منتخب ايران اللي انا شخصيا واحنا متعاطفين معاه من المعامله الرديئه اللي أمريكا بتعاملهم بيها قاعدين في المكسيك ويدخلوا قبلها بكام ساعه ويخرجوا بعدها فربنا يكون في عونهم وهو فريق محترم بس فريق ناشف جدا و وعنيف جدا يمكن الناس ما اخدتش بالها ان اي احتكاك مع أي لعيب في إيران عنيف جدا ولو تشوف في اي كورنر او حاجه هم بيمسكوا اللعيبه وبيشدوهم».
وأوضح الإعلامي سيد علي: « إنما الدراما النهارده في الدقيقه 85 في المباراه كنا أول المجموعه وهنلاعب كوريا الجنوبيه في الدقيقه 90 بقينا تاني المجموعه وهنلاعب استراليا في الدقيقه 92 بقينا ثالث المجموعه وهنلاعب النرويج في الدقيقه 93 رجعنا تاني المجموعه وهنقابل استراليا ويقول لك يا مصر بتعمليها ازاي يعني الحقيقه انا اخر 10 دقائق ربما اكون جالي كل الامراض».
وأشار الإعلامي سيد علي: «انا شوفت سيدات ونساء وفتيات لا علاقه لهن بكره القدم وكل اللي هم يعرفوه يقول لك محمد صلاح ده زي ابني محمد صلاح ده ولد مؤدب وكذا وأهله تعبوا فيه وبنحبه وبندعيله واحنا في المونديال لقيت كل الستات بتدعي لمصطفى شوبير ويقولك ربنا يحميه ربنا يبارك فيه ربنا يخليه حاجات كده المزاج العام للمصريين اتعدل او بقينا عندنا بنشم ريحه الفرحه جايه في المقابل الهجاصين والمغرضين».
