جدال بين محامي طبيبة الأسنان وشقيقة المتهمة.. وياسمين عز: إحنا دولة قانون
قال الأستاذ بلال فولي محامي الدكتورة سارة عوض الدكتور صاحبة واقعة الضرب: «الدكتورة حتى الآن محجوزة في المستشفى وبتتلقى العلاج لأنها في حالة سيئة ونفسيا مش مستوعبة اللي حصل من البلطجية اللي تعدوا عليها بطريقه بشعة».
وأضافف، خلال مادخلة هاتفية له في برنامج «كلام الناس» المذاع عبر شاشة إم بي سي مصر: «حقيقه الواقعة من البداية إن في واقعتين تعدي على الدكتورة قبل الفيديو اللي اتصور.. الأول من المريضة وأختها بالسب بالفاظ غير لائقه بسبب إن المريضة كانت بتشرب عصير والممرضة بتقولها عيب اشربي العصير بعد الخلع لكن الدكتورة احتوت الموقف.. وبعدين بعدها تم الخلع وهي اتبعت التعليمات إنها مينفعش تدي المريضة الضرس فحصلت مشادة بسبب كدا وتطورات الأحداث وتعدوا على الدكتورة يعني حصل مشاده بالايد لكن متصورتش وبعدين الموظفين احتووا الموقف».
وتابع: «أحداث فيديو التعوير ده حصل لما أهل المريضة تعدوا على الدكتورة.. هو حتى الآن مفيش دليل بيقول مين أحدث الإصابة في المريضة».
وأردف: «الراجل اللي ضرب بالماسوره على وشه وهو عنده إصابات بشعة ومصاب اكتر من 20 غرزه في الوجه بس وده شقيق الطبيبة.. كمان في أحد الأشخاص متهم هارب حتى الآن كان ماسك الدكتوره ومحترمش حرمة جسدها إنها سيدة ومينفعش يمسكها كدا.. وحتى الآن مفيش محاولات صلح والمبدأ مرفوض كل واحد ماشي في الإجراءات القانونية والنيابة متولية التحقيق وبنشكرهم على المجهود».
وكضف عن الحالة الطبية للدكتورة الأسنان، قائلا: «الدكتوره فاقت من العمليات وهي في إنتظار العرض على استشاري عظام علشان يقرر إذا كانت هتحتاج عمليات تانية لأن في كسر مضاعف عندها.. وهما حتى الآن مش متوجه ليهم التهمة والنيابة بتحقق».
وخلال الحلقة، تحدثت أخت المريضة، خلال مداخلة هاتفية لها مع الإعلامية ياسمين عز، وقالت: « أولا هما كانوا سنتين مش ضرس.. أنا اختي راحت تخلع وحدث حدث مشادة كلامية بينهم والطبيبة رمت عليها مياه وأختي اتضربت من الدكتورة في الوقت ده وده مكانش متصور».
وأضافت: «أنا بعدين لما عرفت قلتلها خدي حقك راحت اختي راحت تقدم شكوى وكانت بتصور راحت الدكتوره ضربتها تاني لما عرفت إنها بتصور».
ومن جانبها، أنهت الإعلامية ياسمين عز المداخلة بسبب عدم وضوح صوتها، فضلا عن عدم وجود أي أدلة على حديثها، قائلة: «أسفة مش سمعاكي علشان نعرض الحقيقه لازم يكون في إثبات أنا بس بساعد المشاهد لكن انا مفهمتش أي حاجة من كلامك.. كل اللي فهمته إن في فيديو طبيبة مصرية ليها كل الاحترام اتضربت وأنا تعليقي إن الدولة فيها قانون والقانون يفصل»
