فيدرا: مشيت 600 كم علشان اتعافى من الآلم.. وأنا شخص عندي كم ذنوب رهيب

كشفت الفنانة فيدرا عن كواليس حياتها وروشتة التعافي من الآلام، مؤكدا أنه تفضل التقرب من الآلم وليس الهروب منه للتتمكن من أن تتعافى بشكل صحي، قائلة: « في مرة كنت بعاني من الشعور بالآلم ومشيت 600 كم علشان أعرف أخرج الشعور من جوايا وتعافيت».

وأضافت فيدرا، خلال تصريحات تلفزيوينة: «طول ما أنا ماشية كنت بسمع أغاني تقربني من الوجع لكني كنت بعدي منه.. وبعد ما خلصت الـ 600 كم لقيت نفسي أحسن بكشل كبير جدا وعندي استعداد أسرح في ملكوت ربنا».

وأكدت خلال حديثها أنها تقدر الشخص الحقيقي الذي لا يتصنع ولا يحاول الكذب، لافتة إلى أن الله خلق كل شخص مميز في شيئ محدد.

وكشفت الفنانة فيدرا عن سر حيها للحيوانات، قالت: «أنا بقدس الحياة وقيمتها لكل الناس حت لو قطة أو كلب أو نملة.. أنا بيتي ممنوع يترش فيه مبيدات حشرية.. ممكن أوقات أكون ماشية وفجأة أنط علشان في جيش نمل ماشي مش عايزه أموته.. أنا في عرض نلمة تدعيلي أنا شخص عندي كم من الذنوب لو نملة دعتلي هكون مبسوطة».

وتابعت: «في ناس بتستغرب كلامي وبتشوف إن اللي بيتكلم عن ربنا لازم يكون ليه شكل محدد ويكون كيوت ومحجبة.. لكن عادي أنا بتكلم عن ربنا.. لكن ملقتش ربنا في الجامع لكن لقيته في خلقه.. كل شيئ خلقة ربنا معجزة وحاجة عظيمة».

وفي وقت أخر، كشفت عن عدم رغبتها من البداية في التكفل بهذا الكم الهائل من الكلاب والقطط، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.

حيث قالت فيدرا: “كم البشر اللي بيبعتوا حالات للملاجئ ويبقوا هيتكفلوا بيهم وبعد كده يختفوا والملاجئ تكلمهم ميردوش، وبعد كده نقول أصل الملاجئ مش بتساعد، الملاجئ عايشة على التبرعات أو التكفل بحيوانات عندهم، أنا حاسة بكل اللي فقدوا حيواناتهم بس في قضية دلوقتي أهم وهي الإنقاذ لو كل واحد ماتله حيوان هيقول أنا مش هتكفل بحيوان تاني طب الحيوانات استفادت أيه، أنا بطلت أكلم الملاجئ لأن عارفة أن عندهم اللي يكفيهم، يعني أنا كنت عايزة يكون عندي هذا الكم الهائل من الكلاب والقطط، دي مكنتش خطتي”.