أحمد سالم: الشبه بيني وبين ظافر العابدين بيعرضني لمواقف كوميدية
كشف الإعلامي أحمد سالم كواليس ظهوره الأخير في برنامجه كلمة أخيرة، بعدما تصدر التريند على مواقع التواصل الاجتماعي.
وقال أحمد سالم في حديثه مع نيوز رووم، إنه يحب البشرة السمراء: “البشرة السمراء هي أحلى بشرة بدليل أن السياح الأجانب بيجوا آلاف الأميال لمصر يقعدوا في الشمس عشان ياخدوا اللون ده".
وأضاف: "وأنا صغير كان نفسي أكون نوبي عشان طيبين وأمناء ونضاف جدًا ويمكن ده سر حبي لشيكابالا ومحمد منير".
وعن تعليقات المتابعين التي مازحت وطلبت بقائه بهذا اللوك، حتى يسهل التفريق بينه وبين ظافر العابدين، رد ضاحكًا:"موضوع الشبه مع ظافر بيعرضني لمواقف كوميدية جدا ولو الحل في لون البشرة تبقي تاهت ولقيناها".
كان أحمد سالم طمأن جمهوره ومحبيه بعد ظهوره الأخير في برنامج كلمة أخيرة وقال:" أنا رحت البحر عادي، أنا إسكندراني مدمن بحر بقعد بالـ 12 ساعة في البحر.دايما في أول الصيف بيحصل معايا كده، لكن البوتاجاز ماهبش في وشي ولا الكلام ده".
وفي تعليق آخر، عبر حسابه بموقع فيسبوك كتب:"أنا كويس الحمدلله بس معلش قرصت في البحر المرة دي شوية، وتقريبا اخدت تسوية زيادة well done ".
