بعد مباراة مصر وبلجيكا.. عمرو محمود ياسين: "حسام حسن جامد"
أشاد الفنان عمرو محمود ياسين بطريقة إدارة وتخطيط الكابتن حسام حسن المدير الفني لـ منتخب مصر، وذلك بعد مباراة مصر وبلجيكا التي أقيمت مساء أمس ضمن فعاليات كأس العالم 2026، وذلك من خلال منشور عبر حسابه الرسمي على موقع التواصل الإجتماعي فيسبوك.
وقال عمرو محمود ياسين معلقًا: “يا جماعه حسام حسن جامد، بذمتكم مين جه في دماغه من كل المحللين ومن كل الناس أن هو يلاعب زيكو جناح ايمن وهو اللي يعمل الشغل الدفاعي اللي مش هيقدر يطلبه من صلاح وهيثم حسن؟؟ اتوقع حسام ممكن يفاجئنا تاني في الماتش اللي جاي ويبدأ بهيثم حسن مكان زيكو ويودي زيكو جناح شمال أو يبدا بتريزيجيه إحساسي عموما أن حسام مش هيثبت تشكيل واحد في الخط الأمامي بالذات وكل ماتش هيبقى له أوراقه”.
استياء عمرو محمود ياسين
في سياق منفصل، قد أعرب السيناريست عمرو محمود ياسين عن استيائه الشديد من خبر متداول عن تخلي ياسمين عبدالعزيز عنه في المسلسل الرمضاني المقبل، حيث انتقد عمرو ياسين طريقة تناول الخبر بعد استخدام كلمة " تخلي " ، مشيرا إلى أن هذه الكلمة تستخدم لموظف في شركة وليس لتعاون بين فنانة وكاتب .
وكتب عمرو محمود ياسين : بعيدا عن زيف الأخبار لكن كمان استخدام ألفاظ ليست ذات صلة يعني كلمة تتخلى إيه دورها في خبر زي ده .
وأضاف : يعني هو لو ماشتغلناش أنا وياسمين مع بعض رمضان القادم ، ده يأتي تحت بند التخلي؟ ولا ربما نبحث عن تغيير؟ أو ربما يكون لدى أي منا خطط أخرى؟ وده كلام بقوله على سبيل المثل .
وتابع : وبعدين تتخلى دي تتقال عن موظف في شركة مش في إطار خبر تعاون فنانة و كاتب!! انتوا مين اللي بيمليكم الصيغ الركيكة دي؟ ومين اللي بيمررها وكيف وصلتم إلى هذه المرحلة في التناقض بين محتواكم و اسمكم؟؟
واختتم : عموما أنا و ياسمين على تواصل دائم يمكن لحد من دقائق ولم نحسم أمرنا حول مشروع لرمضان القادم و لما يكون في تعاون قادم أكيد هيتم إعلانه وأخيرا كفايه بقى هذا المستوى من التدني عيب الأسلوب وعيب تزييف الأخبار .. وعيب حاجات كتير قوي .
تعليق زوجة عمرو محمود ياسين
وقد خرجت الإعلامية آيات أباظة عن صمتها لتدافع عن زوجها المؤلف عمرو محمود ياسين، خاصة بعد الحملات الموجهة ضده مؤخرًا، وذلك من خلال منشور عبر حسابها الرسمي على موقع التواصل الإجتماع فيسبوك.
حيث قالت آيات أباظة: “هو صحيح أنا بقالي سنة مش بكتب حاجة علي الفيس بوك ناس كتير عارفة أني بمر بأزمة صحية، وإن شاء الله ربنا هيشفيني بدعاء الناس بس بجد لقيت صعب مطلعش اللي جوايا تجاه أخبار مستفزة عن عمرو محمود ياسين اللي عمر ما صحفي هاجمه أو غلط فيه وكلهم بيحترموه عشان هو بيحترمهم، من رمضان اكيد عرفتم من كلام الناس اللي كاتبين عندكم وعند عمرو هو قد أيه محترم ومحبوب، بطالب بمحاسبه هولاء الناس اللي بيغلطوا”.
