بعد سوء استخدام فيديو الأستغاثة.. أحمد صيام: "مش هسمح لعصابة تتداخل وتستفيد"
خرج الفنان أحمد صيام عن صمته ليعلق على سوء استخدام وانتشار فيديو استغاثته الأخير لما يحدث داخل الكومبوند السكني تبعه، وذلك من خلال مقطع فيديو عبر حسابه الرسمي على موقع التواصل الإجتماعي فيسبوك.
حيث قال أحمد صيام: "فوجئت أن الفيديو اتللي نزلته وكنت بناشد فيه وزارة الداخلية بعض المواقع التابعة للجامعة الإخوانية بتسئ استخدامه تبعًا لمخططتها، أنا عمري ما هكون ضد بلادي وضد نظامها، هي بالنسبالي الأول والأخر، بغض النظر بقى في خلاف في مشكلة ده عادي يحصل بين الأسرة، مش هسمح لعصابة تتداخل وتستفيد من هذا الخلاف، أنا برفض بشدة أي حد يستخدم أي كلام قولته أو هقوله ضد الدولة، أنا مع الدولة من الألف للياء مهما كان في أخطاء بتصدر من اي حد، هنفضل في الأول والأخر أحنا الأسرة المصرية الناس اللي خايفة على البلد دي بجد، أنا عملت الفيديو لأني خايف على البلد دي بجد، بحب البلد وبحب القيادات دي بجد ويهمني يكونوا في أفضل صورة".
استغاثة أحمد صيام
وقد خرج الفنان أحمد صيام عن صمته ليستغيث ويناشد وزارة الداخلية لما يتعرض له داخل كومبوند السليمانية، وذلك من خلال مقطع فيديو عبر حسابه الرسمي على موقع التواصل الإجتماعي فيسبوك.
حيث قال أحمد صيام في الفيديو: “أنا من سكان السليمانية، أمن المطور جه طرد أمن الأتحاد من البوابة، اتصلنا بالنجدة، واتصلنا بالمباحث، عشان يجوا جم بعد ساعتين بعد ما الدنيا باظت، وبنكلم السادة الظباط بيقولوا أحنا مش هنخش ومش هنعمل محاضر، الناس بتضرب بعض وهما بيقولوا مالناش دعوة ده أمر داخلي، اللي بيتخانقوا يجوا القسم يعملوا محضر إثبات حالة، هل ده يرضي وزارة الداخلية، السادة الظباط بيقولوا مالناش دعوة والناس بتضرب بعض أومال مين اللي له دعوة، في بلطجية على البوابة بيضربوا الملاك وأمن الأتحاد، والسادة الظباط مباحث زايد والنجدة جم وقالوا أحنا مش هنخش وقفوا قبل المكان بكيلو لمدة ساعة خرجنلهم قالوا أحنا مش هنخش، هل ده يرضي إدارة التفتيش، لو ده يرضيكم على رأسي من فوق بس أنا عارف أن ماليش حقوق في البلد دي، والسيد المطور له سلطة أنه يمنع ظباط الداخلية أنهم يعملوا محضر؟”
