حسن عبدالفتاح يثير الجدل: "بطلت أعاتب وهختفي من حياة اللي أذوني"
أثار الفنان حسن عبدالفتاح الجدل، خاصة بعد منشوره الأخير الذي تضمن رغبته في الابتعاد عن الناس الذين قاموا بإيذائه، وذلك من خلال حسابه الرسمي على موقع التواصل الإجتماعي فيسبوك.
حسن عبدالفتاح يثير الجدل
حيث قال حسن عبدالفتاح: “زمان كنت بعاتب، وأتكلم، وأوضح، وأدي فرص كتير علشان الود يفضل موجود. كنت فاكر إن الناس لما تعرف إنها جرحتك هتحاول تصلح، ولما تعرف إنك زعلان هتهتم وتحتويك، لكن مع الوقت اتعلمت إن مش كل الناس بتفهم العتاب، ومش كل القلوب بتقدر قيمة اللي بيحافظ عليها، فيه ناس بتشوف طيبتك ضعف، وصبرك عادة، ووجودك شيء مضمون مهما عملوا، عشان كده بطلت أعاتب، مش علشان قلبي بقى قاسي، لكن علشان كرامتي بقت أغلى من أي نقاش مالوش فايدة. بقيت لما ألاقي التقدير اختفى، والاهتمام قل، والمشاعر بقت من طرف واحد أمشي في هدوء، أنا مش بعاقب حد، لكن اختفائي أحيانًا بيكون أكبر رسالة ممكن تتقال. لأن اللي ما قدرش وجودك وأنت جنبه، هيعرف قيمتك لما يدور عليك وما يلاقيكش، أنا مبقتش أعاتب بقيت أختفي، أختفي من حياة اللي أذوني، وأكبر عقاب لأي حد خسر إنسان صادق، إنه يكتشف متأخر جدًا إنه فقد شخص كان بيحبه بصدق”.
حسن عبدالفتاح يرد على منتقدي أعماله
في سياق آخر، قد أعرب الفنان حسن عبدالفتاح عن استيائه بعدما وصفه بعض رواد مواقع التواصل الاجتماعي بـ «الفاشل»، أثناء ترويجه لأحد عروضه المسرحية.
حيث كتب حسن عبدالفتاح عبر حسابه الرسمي على موقع التواصل الإجتماعي فيسبوك: “بصراحة أنا لما لقيت شير قولت أخش أشوف الناس بتقول أي عشان ممكن يكونوا حضروا وكدا بس دخلت لقيت كلام دايقني فقولت ياريتني ما دخلت، أنا أسهل حاجة عندي أني أخد صورة من عندهم بالاسكرين واطلعهم مسرح عندي وكدا بس لا الحمدلله الواحد بيراعي ربنا في شغله ومش بيرد الإساءة بالإساءة، شكرا لكل الناس اللي بتقول كلام حلو وأنا على قد ما أقدر بخش أرد على الناس الجميلة اللي زيكوا”.
