جوزها.. أكرم عادل يحسم موقفه في أزمته مع أحمد سعد
علق المطرب والموزع أكرم عادل، على المقارنات التي أثيرت خلال الأيام الماضية بين أغنيته الأخيرة "عريس لقطة" وأغنية "جوزها" للمطرب أحمد سعد.
وكتب أكرم عادل، عبر حسابه الرسمي على موقع التواصل الاجتماعي "فيسبوك"، قائلًا: "فعلًا في ناس كتير من أصدقائي وأحبابي اللي بيحبوني وبيخافوا عليا، قالوا لي إن لحن أغنية (جوزها) للنجم أحمد سعد متاخد من لحن أغنيتي الأخيرة (عريس لقطة)، وطلبوا مني إني ما أسكتش وأرفع قضية وأطالب بحقي، وأنا مقدر جدًا خوفهم عليا ووقفتهم جنبي".
وأضاف أكرم عادل، قائلًا: "لكن أنا بطبعي إنسان متسامح، ومبحبش المشاكل ولا القضايا، ومش بحب أؤذي حد، أنا فنان وبحب الفن وبحب الناس كلها، وبحب أشوف الخير والنجاح لكل زملائي".
أكرم عادل: تقليدي نجاح ليا
وتابع أكرم عادل، قائلًا: "لما سمعت الأغنية لقيت فعلًا فيه تشابه كبير، خصوصًا في الجزء اللي بيقول فيه النجم أحمد سعد (بقيت جوزها)، لكن أنا مش زعلان خالص، بالعكس بعتبر ده نجاح ليا، لأن معناه إن أغنياتي بتوصل للناس وبتتسمع، وكمان ممكن تتقلد".
وأكد أكرم عادل، أن ما حدث يمنحه دافعًا أكبر للاستمرار في تقديم أفكار موسيقية جديدة ومختلفة، قائلًا: "ده بالنسبه لي معناه إن أنا ماشي في طريق صح وبقدم أفكار جديدة ومختلفه الحمد لله".
واختتم أكرم عادل، قائلًا: "بشكر كل الناس اللي بتحبني وبتخاف عليا، وبوعدهم إني هافضل أقدم شغل يفرحهم. وأتمنى الخير والنجاح والتوفيق للجميع".
وطرح مؤخرًا أحمد سعد، أغنية جوزها من ألبومه الجديد وهى من كلمات مصطفى حدوتة وألحان وتوزيع إيهاب كولو بكس.
وتعاون الموزع أكرم عادل خلال الفترة الأخيرة مع كبار النجوم، أبرزهم بهاء سلطان وكارول سماحة وساموزين وغيرهم بكثير .
