أحمد سعد عن تجاهل مطرب له: ده دليل إنه إنسان مش واقعي

قال الإعلامي عمرو أديب للفنان أحمد سعد إن أحد المطربين تحدث قبل أيام عن أفضل 5 مطربين في مصر، وذكر 5 أسماء خلال حديثه، لكنه لم يذكر اسم أحمد سعد بينهم، موضحا أنه كان ينتظر سماع اسمه ضمن القائمة لكنه لم يذكر.

أنا لسه مكلمه ومتصالحين

ورد أحمد سعد خلال استضافته في برنامج الحكاية، قائلا: «آه طبعا عارف، وأنا لسه مكلمه ولسه متصالحين»، وعندما سأله عمرو أديب: «إنت اللي بتصالحه؟»، أجاب: «هو اللي مصالحني».

وأضاف عمرو أديب: «قال 5 أسامي وما قالش اسمك؟»، ليرد أحمد سعد مازحا: «ده دليل إنه مش واقعي، هو إنسان مش واقعي في حد ذاته، يعني ما علينا ما قالش اسمي، طب حتى ركب خمسة، طب حتى يحط بديلة عشان لو واحد طلع، يحطني احتياطي، مفيش، ما حطنيش خالص».

هو حبيب قلبي والله العظيم

واستكمل أحمد سعد حديثه مؤكدا أن الأمر لا يسبب له أي ضيق، قائلا: «بس لا، هو حبيب قلبي والله العظيم، حبيب قلبي حبيب قلبي».

وسأله عمرو أديب: «طب وإنت نمرة كام؟»، فرد أحمد سعد : «أنا مش نمرة، أنا جزة النمر».