حاسة إنك بنتي.. ملك زاهر تشارك جمهورها لحظات سعيدة مع شقيقتها ليلى بعد زفافها

شاركت الفنانة الشابة ملك زاهر جمهورها بمقطع فيديو مليء باللحظات السعيدة التي جمعتها بشقيقتها ليلة زاهر، وذلك عبر حسابها الخاص بموقع انستجرام، معبرة عن حبها الشديد لشقيقتها.

وكتبت ملك زاهر في الفيديو الذي نشرته عبر حسابها بموقع انستجرام: “محدش فيهم عاش اللي أنا وأنتي عشناه، من أول ضحكة وإحنا أطفال لحد لحظة كتب كتابك… كل لحظة في الفيديو ده هو عمر كامل بينا، هو حب، و أمان، وضحك، ومشاركة، علاقتي أنا وأنتي مش شبه أي حد”.

وأضافت: “مش مصدقة إن الوقت جري كده…كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني”.

حاسة إنك بنتي مش أختي

وأكدت ملك زاهر حبها الشديد لشقيقتها ليلى إذ كتبت: "أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة…
بس طول عمري حاسة إنك بنتي مش أختي. امبارح… بنتي الي كانت بتتجوز مش أختي، وأنا الفرحة مش سيعاني، بس في نفس الوقت… وحشتيني قوي من دلوقتي".

أنتي أحلى حاجة حصلت لي في حياتي

وتابعت ملك زاهر: "إنتي مش بس أختي حبيبتي… أنتي أحلى حاجة حصلت لي في حياتي. وهفضل دايمًا أقرب واحدة ليكي، أحنّ حضن، وسند من غير كلام، ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله، وانا دايمًا جنبك… في كل خطوة
بحبك يا عروستي الحلوة".

واختتمت ملك زاهر حديثها عن شقيتها ليلى بالدعاء لها إذ كتبت: “اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة”.

واحتفلت ليلى زاهر بزفافها على الفنان هشام جمال أول أمس، في حفل كبير أُقيم في منطقة هرم سقارة، بحضور نخبة من نجوم الفن منهم ليلى علوي، يسرا، عمرو سعد، يوسف الشريف، هالة صدقي، وغيرهم، وأحيا الزفاف الفنان أحمد سعد، محمد فؤاد، محمد حماقي، وبوسي، وأهدى هشام جمال عروسته أغنية بعنوان فستانك الأبيض بصوت الفنان حسين الجسمي.