ميرنا جميل: عندي الحاسة السادسة وحلمت بوفاة والدي قبل رحيله

أعربت الفنانة ميرنا جميل، عن سعادتها بمشاركتها في مسلسل اللعبة، قائلة: «ده مسلسل جميل فعلا وكلنا بنحبه.. وكواليس العمل تحفة وإحنا لو صورنا كواليس اللعبة اصلا هنطلع 10 مواسم من المسلسل من كتر الضحك واللذاذة اللي في الكواليس».

كواليس اللعبة علاقة أخوة وصداقة

وأضافت، خلال استضافتها في برنامج «On The Road» المذاع عبر شاشة إل بي سي، مع الإعلامي بلال العربي: «في ناس كتير جدا جدا بتحسدنا على كواليس العمل ده.. إحنا بقينا قريبين من بعض جدا جدا في العمل ده إحنا بقينا عائلة».

وفي سياق حديثها عن حياتها الشخصية، قالت ميرنا وليد: «أنا عندي الحاسة السادسة وبحلم بحاجات كتير.. في مرة حلمت بشخص مات، وبعدها والد صاحبتي توفي، ولما رحت العزاء وشوفت صورته جريت من الخضة لأني كنت حلمت بيه.. كمان حلمت إن أبويا هيتوفى قبل وفاته».

وتابعت: «وأنا صغيرة كنت بكتب جوابات أشتكي فيها لربنا من المواقف اللي كانت بتزعلني، وأقوله إني عايزة حقي.. أنا طول الوقت عندي شعور إن ربنا بيحبني».

وخلال الحلقة، كشفت الفنانة ميرنا جميل عن بدايتها في عالم الفن، لافتة إلى أنها لم تبدأ من مكاتب الكاستينج، بل اتجهت إلى المسرح، مؤكدة أن هذا الطريق أصعب لكنه يزيد من خبرة الفنان وموهبته.

موهبة الارتجال أهم ما يكتسبه الفنان من المسرح

وأضافت أنها تعلمت كثيرًا من المسرح، كما اكتسبت موهبة الارتجال، مؤكدة أنها تُعد واحدة من أهم المواهب بالنسبة للممثل.

المسرح يزيد من خبرة الفنان

وأردفت ميرنا جميل: «أنا أخدت طريقي خطوة خطوة، زي ما بيقولوا فعلًا، من البداية.. المسرح فعلًا أصعب، لكنه بيعلمك جدًا وبيخليك تكتسب خبرة كبيرة».

شخصية هادئة تميل للسكوت

وفي سياق حديثها عن شخصيتها، قالت: «أنا شخصية هادئة جدًا، وبتستغرب نفسي أوقات، وممكن أقعد يومين أو 3 من غير ما أتكلم كلمتين على بعض خالص».

مواصفات فتى أحلام ميرنا جميل

كما كشفت الفنانة ميرنا جميل عن مواصفات فتى أحلامها، وقالت: «نفسي يكون سند وضهر، وياخد باله مني، ومش مهم جنسيته إيه، المهم يكون متوافق مع العيلة، عشان أنا بحب عيلتي جدًا».