الفنانة ريم مصطفى: أولادي هما ضهري وبعتبرهم صحابي أوي
تحدثت الفنانة ريم مصطفى عن أولادها وعلاقتها بهم؛ قائلة: «عمر وعلي هما الضهر، الغريب إني بعتبرهم هما ضهري مش انا اللي ضهرهم، عمر وعلي صحابي أوي، وأنا بعتبرهم أفضل أصدقاء وبيدعموني في كل حاجة».
أزمة الفيديو التريند
وأضافت الفنانة ريم مصطفى خلال حوار تليفزيوني ببرنامج معكم منى الشاذلي والمذاع عبر قناة On تقديم الإعلامية منى الشاذلي: «انا وولادي بتجمعنا علاقة خاصة جدا، وفي موضوع التريند كان الموضوع مضحك جدا، واتكلموا معايا في حته إن الموضوع مضايقك بس حاولي تشوفي من ناحية تانية، فيه تمن لازم تدفعيه كفنانه، شوفي حوليكي في العالم كله مين ما اتعرضش للموضوع دا».
وبشأن فترة زواجها؛ قالت الفنانة ريم مصطفى إنها ظلت حوالي 11 عاما متزوجة، وأن أبنائها يحبون الوصية بصوتها.
كما كشفت الفنانة ريم مصطفى عن أصعب المواقف التي مرت عليها في حياتها، مشيرة إلى أن فراق جدتها كان من أصعب الأمور التي مرت عليها؛ قائلة: «أول مرة اجرب لحظة فراق بجد، أعرف معنى الفراق الحقيقي، أول مرة حد قريب ليا يتوفى أصلا، ما كنتش أعرف يعني أي وفاة، ما افهمهاش، وجات في حد غالي أوي فكان فيها اسمه للحياة، ولحد النهاردة بتأثر وينادي عليها لما اكون متضايقة، ولما أكون مبسوطة بردة».
علاقة ريم مصطفى بجدتها
وأضافت الفنانة ريم مصطفى خلال حوار تلفزيوني ببرنامج معكم منى الشاذلي والمذاع عبر قناة On، تقديم الإعلامية منى الشاذلي: «دي حاجة تقيلة أوي في حياتي، ليها صورة جنبي على السرير وبحس دائما روحها معايا».
لحظات الفراق
واستكملت: «فيه ناس دخلت حياتنا وعشنا معاهم، وأي حد عاشرته بيبقى ليه تأثير كبير في حياتي حتى لو الشخص دا الزمن فرقنا عن بعض ولسه عايش، بس العشرة مش بتهون عليا خالص، ما بفهمش الكلمة دي».
وقالت الفنانة ريم مصطفى إنه عندما ينصدم الشخص في علاقة أو غيرة يأتي من هنا النضج، لافتة إلى أنه لابد أن يكون هناك مرور بتجربة معينة حتى يأتي النضج.
وأضافت الفنانة ريم مصطفى: «انا مريت بعلاقة توكسيك بس مش أبو ولادي علشان ما الاقيش بكرة تريند والراجل الغلبان».
