ريم مصطفى تخرج عن صمتها وتكشف عن علاقتها «التوكسيك»
قالت الفنانة ريم مصطفى إنه عندما ينصدم الشخص في علاقة أو غيرة يأتي من هنا النضج، لافتة إلى أنه لابد أن يكون هناك مرور بتجربة معينة حتى يأتي النضج.
وأضافت الفنانة ريم مصطفى خلال حوار تليفزيوني ببرنامج معكم منى الشاذلي والمذاع عبر قناة On تقديم الإعلامية منى الشاذلي: «انا مريت بعلاقة توكسيك بس مش أبو ولادي علشان ما الاقيش بكرة تريند والراجل الغلبان».
واستكملت: «مريت بعلاقة كده والمشكلة إنها اخذت سنين، لأن بتلاقي نفسك مع حد نرجسي أو علاقة مش صحية بتلاقي نفسك قاعدة فيها وقت طويل جدا وانتي عارفه إن العلاقة دي مش علاقة صحية ليكي، وهنا بتعرفي أنك في علاقة مش كويسه».
الارتباط بشخص توكسيك
وأشارت الفنانة ريم مصطفى: «هتلاقيه معظم الوقت مش عنده ثقة كافية بنفسه فبيجبها فيكي، وتلاقي نفسك طول الوقت بتتهمي اتهامات هي مش انتي ولا شخصيتك، وطول الوقت عاوزه تبرري نفسك، فتلاقي نفسك انتي اصلا في العلاقة علشان تثبتي لحد انك حد كويس».
الحياة الشخصية
وقالت الفنانة ريم مصطفى إنها تركز أكثر في حياتها الشخصية؛ مؤكدة على أن الحياة الشخصية بالنسبة لها دائرة مغلقة، وأن ما يتردد من إشاعات يعرف حقيقته الأشخاص القريبون.
جميع الإشاعات غير حقيقية
وأضافت الفنانة ريم مصطفى خلال حوار تليفزيوني ببرنامج معكم منى الشاذلي والمذاع عبر قناة On تقديم الإعلامية منى الشاذلي أن جميع الإشاعات التي أُطلقت عليها غير حقيقية؛ قائلة: «كل الإشاعات اللي طلعت عليا غير حقيقية بس تزعلني لما تبقى جايه في حد انتي تعرفيه على المستوى الشخصي، مش بتبقى حاجة لزيزة».
واستكملت «مصطفى»: «شام بنتها صحبتي جدا والموضوع مش فيه أي شكك، بس الإشاعة مش لزيزة، أو يمكن كانت أول إشاعة تظهر عليا علشان كده وترتني، كل حاجة أولها صعب وبعد كده الواحد خلاص».
وأوضحت: «بحس إن الواحد كل ما يكون عنده وعي في النقطة دي وعنده نضج فيها ودا مش بيكون حصل في يوم وليلة يعني بيكون حصل على مدار خبرات حياتية كتيرة، بس بتخلي اختياراتك صعبة، في الزمن اللي احنا فيه دا كمان بحس إن أنا اللي عائشة في حاجة فيها أحلام».
