"ليا 2 مليون جنيه".. بلال صبري يناشد وزارة الداخلية بعد تعرضه لعملية نصب
خرج المنتج بلال صبري عن صمته ليكشف عن تعرضه لعملية نصب من العديد من الأشخاص، مهددًا أنه سوف يكشف عن أسماءهم تباعًا وقد أشار إلي وزارة الداخلية ليستغيث بها لتجلب له حقه، وذلك من خلال منشور عبر حسابه الرسمي على موقع التواصل الإجتماعي فيسبوك.
تعرض بلال صبري لـ عملية نصب
حيث قال بلال صبري في منشوره: “أنا عمري ما تكلمت عن مشاكلي الشخصية واللي يعرفني كويس يعرف قد ايه ابن بلد وعمري ما تمنيت ازعل حد مني بس بجد الموضوع زاد عن حده، لما يكون ليا 2 مليون عند شخص وفلوس سلف بقالهم كتير واكون مزنوق جدا وداخل كام عمل محتاج كل جنيه ويجي شخص يدعي جورج ميخائيل يقولي أنا جهة سيادية ويهددني أن لو نزلت احكام الشخص اللي عليه فلوس، احب اقولك أحنا دولة قانون وأنت مش من جهة سيادية ولا اصلا مستشار وأنا اتخذت الإجراءات القانونية في ناس ليها ديون عندي متبقي أعمال وفلوس مش كبيرة خالص والله عمال اسدد ربنا اعلم، أي حد ليا فلوس عنده سواء جبت أحكام أو مفيش احكام هنزل بوست أنا جبت أخري فعلا جدعنتي لازم أبطالها اقسم بالله ملايين”.
بلال صبري يستغيث بـ وزارة الداخلية
واستكمل بلال صبري حديثه قائلًا: “ضاغط علي نفسي وعمري ما كنت عايز اوصل للمرحلة دي وأي قناة سواء كبيرة أو صغيرة في خلال أسبوع هنزل كل العقود سواء قنوات مصرية أو سعودية مش هكبر لحد خالص، وفعلا هعمل مؤتمر كبير بكل العقود وأي منتج بيقولي صاحبي اخويا خلاص معنديش طاقة، واول شخص هينزل ماجد اللي هو بيقول مدير إنتاج، عايز رد من نقابة المهن السينمائية دكتور مسعد فودة، هل الشخص ده مدير إنتاج ولا ينتحل صفة، كل واحد عليه أحكام يقولك اختفي كام سنة والحكم يسقط برجاء من وزارة الداخلية البحث عن الشخص ده وكل واحد هبعتلك البوست ده علشان يكون إنذار وفيه شخص في تركيا برضو عليه فلوس وعليه احكام واللي بيحبني يعمل مشاركه للقبض عن هذا الشخص”.
