ياسمين عز عن توروب: ده يدفع مياخدش.. كفاية إنه عدى على عتبة الأهلي

قالت الإعلامية ياسمين عز: «أخيرا خبر يسعد جمهور الأهلي وهو إن الأهلي قدر ينهي تعاقده مع توروب  بعد موسم للنسيان، ولا دوري ولا أي حاجة، هو مخدش غير السوبر المصري ودعاء الوالدين ودي بطولة ما بتشبعش جمهور الأهلي وطموحنا، إحنا بنحب ناخد كل حاجة عشان إحنا نرجسيين حد عايز مننا حاجة؟».

وأضافت، خلال حلقة اليوم من برنامج كلام الناس المذاع عبر شاشة إم بي سي مصر: «النادي الأهلي خلص كل حاجة مع المدرب، وهيمشي وهو راضي ومفيش عنده مشاكل مع النادي ولا مع مجلس الإدارة، ولا هيروح يرفع علينا قضايا ولا هيتوقف قيدنا لا سمح الله بعد الشر علينا وعلى اللي حوالينا.. والمدرب هياخد شرط جزائي ثلاثة شهور من مرتبه، والأهلي من كرمه زوده كمان مرتب شهر.. اصرف يا حبيبي ميهمكش، مع إن أنا لو عليا الراجل ده يدفع مياخدش، كفاية إنه عدى على عتبة الأهلي، وطالما معايا فلوس، أنا أرضي حسين الشحات».

وتابعت: «ابننا حسين الشحات أولى، أنا لو منكم أديه 60 مليون جنيه يا جماعة دي شوية فكة، بلاش 60 أديه 68 مليون.. هو عنده 33 سنة وكم شهر، فيه ناس أقل منه برة لسه ما اتفطمتش بتاخد أكتر.. ياريت تحسبوا له السنة بـ 2 مليون، وحسين الشحات عنده عروض كتير كمان جايله عرض في ليبيا لكن هو أهلاوي.. ادوا عيالنا وردوهم وإنت الكسبان».

وفي وقت سابق، قالت الإعلامية ياسمين عز: «الجو النهاردة تراب مخلوط بهواء واليومين دول الجو متقلب وصعب جدا ودرجه الحرارة الصبح وصل 40 وبالليل بتنزل لـ 20 ممكن تلاقي رياح ورمال ومطر هو في ظاهرة اسمها ظاهرة النينيو.. مش المنيو لا أنت سمعتيها المنيو علشان أنت جعانة  لكن دي ظاهرة مهمة والمنظمة العالمية للأرصاد الجوية بتحذر منها».

ظاهرة جوية مناخية بنتاثر بيها عالميا في بعض السنوات

ومن جانبها كشفت الإعلامية منار غانم منارعضو المركز الاعلامي بهيئة الأرصاد الجوية عن هذه الظاهرة، خلال مداخلة هاتفية لها في برنامج «كلام الناس» المذاع عبر شاشة ام بي سي مصر، قائلة: «هي ظاهرة جوية مناخية بنتاثر بيها عالميا في بعض السنوات وبتفضل في مدة حوالي من 9 لـ 12 شهر بتبدا من شهر خمسة ومستمرة معانا خلال فتره الصيف والخريف والشتاء».