«اتصدمت برحيلها».. أميرة فتحي تكشف تفاصيل مؤلمة عن سهام جلال وكواليس آخر عمل
تحدثت الفنانة أميرة فتحي عن آخر عمل لها مع الفنانة الراحلة سهام جلال، قائلة: «اتصدمت برحيلها وعملت فينا كسرة رهيبة الواحد مقهور عليها».
وأضافت، خلال مداخلة هاتفية مع الإعلامي محمد الغيطي، ببرنامج «البصمة»، المذاع على قناة الشمس: «من فترة كده كنت بعمل فيلم أولها حلو بمشاركة سهام جلال ودارين حداد وبعض النجوم الآخرين، سهام اشتغلت وكانت حابة شغلها وبتساعدنا وكانت فرحانة أوي».
فكرة احتكار التمثيل
وتابع: «سهام جلال ممثلة مميزة، احنا مش هنرمي العيب على الزملاء هنرمي العيب على إن بقى في احتكار، ودا مينفعش، لإن مينفعش يكون في احتكار لأي مهنة بالذات الفن اللي اتضر اوي دا».
وواصلت: «الفن محتاج معاك ناس فاهمهم وفاهمينك، أنا دلوقتي لو جبت فلوس وأنتجت ليه تعملوا كده ليه مش عايزين حد يتلفت؟.. الموضوع بقى غريب».
الخلاف بين سهام جلال وأمير كرارة والسقا
وأكملت: «وعن فكرة الخلاف بين سهام جلال وأمير كرارة والسقا حابة أقول إنك ممكن تكون نجم ومش قادر تقف جمب حد، الموضوع مش شلالية الموضوع أكبر من كده بكتير».
وفي ختام حديثها وجهت رسالة إلى سهام جلال بعد وفاتها: «ربنا يرحمك يا سهام ويغفرلك ويعغو عنك ويجعلك من أهل الفردوس، انتي عانيتي كتير وربنا هيعوضك، هي عندها حق تكتئب، ربنا قال أنا عند ظن عبدي بيه، مين البشر معلش؟، ولا حاجة ولا تقدروا تعملوا حاجة».
