أميرة فتحي: والدتي كانت بتتنمر على مناخيري.. ورفضت التجميل بعد رسالة من ربنا

كشفت الفنانة أميرة فتحي، خلال ظهورها في برنامج "كلام الناس" مع الإعلامية ياسمين عز، المذاع على قناة "MBC مصر"، عن تفاصيل شخصية تتعلق بمظهرها الخارجي وسر حفاظها على جمالها ورشاقتها، نافية في الوقت نفسه خضوعها لأي عمليات تجميل.

حياة أميرة فتحي 

وقالت أميرة: "الناس دايمًا بيقولوا إني عاملة عمليات تجميل، خصوصًا في مناخيري، بس الحقيقة إني ما عملتش أي عملية في حياتي".

وأضافت: "وأنا صغيرة، والدتي كانت دايمًا تتنمر على مناخيري وتقولي: روحي بصي على نفسك، مناخيرك دايس عليها قطر.. وكنت بجيب مشبك وأحطه على مناخيري علشان تصغر".

وتابعت: "لما بدأت التمثيل، سألت عن دكتورة تجميل أعمل عندها مناخيري، ولما رحت، الدكتورة قالتلي إنها كانت في كلية الطب والدكتور جاب صورتي كمثال على مناخير ربانية مرفوعة وجميلة، وقالهم: شوفوا الجمال".

وأردفت: "حسيت إن ده كان رسالة من ربنا إني ما أعملش أي حاجة.. وفعلاً ما عملتش، بس مش ضد التجميل، ولو احتجت هعمل، أنا بس بحب أستخدم حاجات طبيعية، وبعمل ماسكات طبيعية زي الصبار للشعر، وفوايده كبيرة جدًا".
 

حلّت الفنانة أميرة فتحي ضيفة على برنامج "كلام الناس" مع الإعلامية ياسمين عز، والمُذاع عبر فضائية "إم بي سي مصر"، حيث تحدثت عن أسباب ابتعادها عن الساحة الفنية، وكشفت لأول مرة كواليس الفيديو المتداول لها في إحدى المناسبات.

حياة أميرة فتحي 

وقالت أميرة فتحي إنها لا تخرج كثيرًا وتعيش حياتها ببساطة، موضحة: "أنا إنسانة طبيعية وبعيش بهدوء، لكن لما اتعزمت على فرح منتج صديقي، حصل اللي مكنتش أتوقعه، حد صورني من زاوية معينة، وعيب إننا ندي أمان لناس وتستغل ده بشكل سيئ".

وأضافت: "أنا كنت في الفرح يدوب، وفجأة لقيت الفيديو اتنشر والدنيا اتقلبت وبقيت ترند، والمشكلة إن السوشيال ميديا هدفها نسب المشاهدة بس، مش حقيقة الإنسان".

وتابعت قائلة: "اللي حصل خلاني أقرر أبطل طيبتي، وهيكون معايا بودي جارد في أي مناسبة بعد كده، علشان لو أي حد اخترق خصوصيتي، يعرفوا يوقفوه عند حده.. وده أبسط حقوقي".
ووجهت الإعلامية ياسمين عز مجموعة من النصائح الطريفة للسيدات، خلال حلقة برنامجها "كلام الناس" المذاع عبر فضائية "إم بي سي مصر"، بمناسبة الجولة الرابعة من الدوري المصري الممتاز.