شيماء الشاعر مديرة أعمال حورية فرغلي تكشف حقيقة اللايف الأخير |خاص
كشفت شيماء الشاعر، مديرة أعمال الفنانة حورية فرغلي، حقيقة اللايف الأخير عبر حسابات حورية على السوشيال ميديا والتي تم اختراقها.
وقالت مديرة أعمال حورية فرغلي في تصريحات خاصة لموقع نيوز رووم : “عادل الخيال بيزود كذبه، ومسرحية روبانزل أنا اللي كنت جيباها لحورية مش حضرتك، أنا مش هقولك الشات موجود بس المسرح موجود وأستاذة أروى موجودة، وأنا اللي مرشحة حورية وأنا اللي جبت المسرحية”.
وتابعت : “حضرتك معملتش أي حاجة، وعندي شات بينا بتقولي لولا أنتي يا شيماء المسرحية مكنتش تمت، كلامك غلط، فين الـ 500 ألف جنيه اللي ليا عند حورية جبت الكلام ده منين ؟”.
وواصلت مديرة أعمال حورية فرغلي مستنكرة : “إزاي حضرتك اللي رجعت الصفحات وإزاي بتقول إنها ملك للشركة، قولت إنك مخدتش فلوسك بتاعت المسرحية، لا بحكم إنك كان معاك الصفحات وحضرت كتابة العقد وروحنا البيت عند حورية، حضرتك خدت 25 ألف جنيه قدامي وقدام عيني خدت 5 الاف في المكتب عند حضرتك وخدت 10 آلاف من ميدو”.
واختتمت : “حضرتك تفضلت مشكورًا وطلعت الحقيقة بس مقولتش الحقيقة أصلًا، وكل الكلام ده مزيف وافتراء وتضليل، وبشخصي هعمل لحضرتك محضر تشهير بيا، وكل الكلام اللي اتقال في حقي محصلش ومعايا الشات بيني وبينك، وعلى مسئوليتي مفيش أي عقد بينك وبين حورية”.
