بعد نفيها لـ "نيوز رووم".. حورية فرغلي تتهم مسئول صفحتها في واقعة الاستغاثة

أصدرت الفنانة حورية فرغلي، بيانًا رسميًا بشأن فيديو واقعة استغاثتها من تعرضها لهجوم على يد 3 بلطجية بمنزلها.

ونفت حورية فرغلي، تلك الشائعات، قائلة: "الفيديو اللي نزل ده لا يخص ولا يمت للفنانه حوريه فرغلي بأي صلة ولا لينا علاقه به ولا لينا علاقه بالإنستجرام أصلًا".

وتابع البيان: "ولو ركزته شويه هتلاقوا اللوجو اللي محطوط مش بتاع حوريه ده محطوط كفر فوتو باسم الخيال ميديا اللي هو واخد صفحه حوريه وسارقها فإحنا ما لناش علاقه بالموضوع".

وأضافت حورية فرغلي، في بيانها قائلة: "الموضوع كله طبعًا هو بيعمل كده بيستفز حوريه عشان تبتدي تتكلم وتغلط بس إحنا مش هنتكلم ومش هنغلط والموضوع كله في أيد الأمن وهو اللي هيتعامل مش إحنا خالص".

واختتمت حورية فرغلي، بيانها قائلة: "أما بقى الفيديو اللي هو نزله ده يخص حد هو يعرفه ومش هنقول هو مين عشان ما ياخدوش اللي هما عايزينه، بس الموضوع لا يخص حورية ولا يخصنا ولا لينا علاقه بيه".

وسبق وكشفت حورية فرغلي، حقيقة الفيديو المتداول في تصريحات خاصة لـ "نيوز رووم"، قائلة: "لا محصلش أي حاجة من الكلام ده، أنا كنت نايمة ولسة صاحية حالًا، لكن أنا كويسة ومشوفتش الفيديو المنشور ده ومعرفش عنه حاجة".

فيديو الاستغاثة 

وكانت قد نشرت صفحة الفنانة حورية فرغلي مقطع فيديو يوثق لحظة هجوم 3 بلطجية عليها في منزلها، مستغيثة بوزارة الداخلية كي تنقذها من هذا الهجوم، وذلك من خلال حسابها الرسمي على موقع التواصل الإجتماعي يفسبوك.

وأوضحت حورية فرغلي معلقة: “استغاثة إلي وزارة الداخلية بسرعه التحرك والبث  في أمر هؤلاء البلطجية والتي أسماؤهم، سهام محمد عثمان وشهرتها (سما أباظة)، ومنصور كان مسجون علي ذمة قضية انتحال شخصية ضابط وخارج من السجن من فترة بسيطة، وأحمد غنيم وشهرته (آدم )، وثلاث بلطجيه ويحملون سلاح ناري”.