5 كيلو لحم متعفن في صدري.. اعترافات مرعبة لصاحب أكبر عضلات عن حقن الهرمونات

كشف محمود عيسى صاحب أكبر عضلات عن مفاجآت طبية، حيث كشف عن الحالة الصحية الكارثية التي وصل إليها جسده نتيجة تعاطي حقن الهرمونات، موضحا أن رحلة العذاب بدأت برغبة بسيطة في زيادة وزنه الذي لم يتخط الـ 56 كيلوجراما، لينتهي به الحال بإجراء عمليات جراحية لإزالة أنسجة ميتة.

وتحدث عيسى عن معاناته خلال استضافته مع الإعلامية ريهام سعيد ببرنامج «صبايا الخير» المذاع على شاشة «النهار» قائلا: «أنا خدت الهرمونات عشان يبقى عندي عضالات والبس تيشيرت.. وخدتها حقن عشان أسرع، وكابتن الجيم كان أهم حاجة عنده الفلوس، بتاخد الجرعة تصحى من النوم تلاقي دراعك بيكبر».

وكشف الشاب عن حجم الكارثة الطبية: «عندي مشاكل وأنسجة ملتهبة، شيلت أنسجة معفنة من ناحية واحدة من الصدر.. لحم متعفن طالع من الجسم كان 5.5 كيلو».

وحذر الشاب من الانسياق وراء تجار الأوهام في صالات الألعاب الرياضية، قائلا: «كابتن الجيم اللي وثقت فيه لو كان عنده ضمير مكنش أداني حقن الهرمونات وهو عارف إنها مضرة»، محذرا كل من يحاول تجربة هذه المواد: «لو حد خد حقن هرمونات في رجله بتشل على طول، وفي ناس بردو اتشلت في دراعاتها.. أنا محتاج 20 مرحلة عشان أشيل كل الخلايا واللحم المتعفن اللي في جسمي».

مأساة صاحب أكبر عضلات

وقال عيسى: «أنا كان عندي شركة خاصة بيا، واللي يشوفني وقتها ماكنش يتخيل إني صاحب الشركة، بس عشان كنت رفيع.. للأسف بقينا مقتنعين بفكرة إن العضلات الضخمة هي المعيار وإن شكل الجسم هو اللي بيحدد الانطباع عن الشخص، وده نوع من الوهم المنتشر عند ناس كتير». 

وأضاف واصفا حجم الخسارة: «أنا دفعت التمن بكل المقاييس نفسيا وماديا وجسديا.. صرفت مبالغ كبيرة جدا على العلاج، وكان عندي شركة فيها 14 عامل، وفي الآخر اضطريت أقفلها عشان أقدر أكمل رحلة العلاج.. أولادي كانوا في مدارس خاصة ونقلتهم لمدارس حكومية، وبعت العربية وبعت حاجات كتير أملكها، ومع كل ده لسه مكاني زي ما هو، ومفيش التحسن اللي كنت مستنيه».

واختتم الشاب حديثه بأنه لم يسعى يوما للمال أو التبرعات رغم خسارته لكل ما يملك، مؤكدا: «أنا مخدتش فلوس من أي حد ولا خدت تبرعات، أنا مكنتش عايز غير دكتور»، في إشارة إلى رغبته الوحيدة في استعادة صحته ليعود أبا لـ5 أطفال يعولهم.

مخاطر استخدام هرمونات النمو والمنشطات

تتعدد مخاطر استخدام هرمونات النمو والمنشطات، وفي ما يأتي سنقوم بذكر أهم وأبرز مخاطر استخدام هرمونات النمو والمنشطات هذه:

1. مخاطر استخدام هرمونات النمو

هرمون النمو البشري ينتج من الجزء الأمامي للغدة النخامية (Hypophysis)، ويعمل على تحفيز وتيرة نمو العظام لدى الأطفال، لا سيما أن الكثير من الأطفال يتوقف نموهم ولا يتطورون في مرحلة معينة، لذا يتناولون هرمون النمو لتنمو أجسادهم وتصبح بالشكل الطبيعي.