مايان السيد تتحدث عن علاقات الحب في حياتها: كل اللي حبتهم كانوا بيغيروا مني
كشفت الفنانة الشابة مايان السيد، تجربتها في العلاقات العاطفية، مشيرة إلى أن جميع العلاقات التي دخلت بها كانت تواجه مشكلة أن الطرف الآخر يغير عليها ويغير منها في نفس الوقت.
وقالت مايان السيد في لقائها مع الإعلامي أنس بوخش:"في العلاقات اللي دخلتها اللي قدامي بيكون خايف من سطوعي، وفيه غيرة عليا ومني في نفس الوقت، ودايمًا عايز يحجمني، وأنا مش دي وحاولت علشان ادي الموضوع فرصة، وفي الآخر بقول مش هعرف ابقى ده، أنا عاوزة اتكلم وأقول اللي أنا عاوزاه وارقص وأكون على طبيعتي غير كده هكون بقصر في حق نفسي وحاولت كتير اعمل ده وما عرفتش، خاصة أني لو لقيت حد بحبه ممكن اديله سنين من عمري".
وتابعت مايان السيد، أنه من المهم جدًا في العلاقات عدم القرب الزائد، موضحة: “مش لازم نكون لازقين في بعض طول الوقت، وضروري الاقي تشجيع من الطرف الآخر، وما يطلبش مني أتغير طالما شافني وعجبته بشخصيتي اللي عرفني بيها”.
