مايان السيد : فكرت في أذية نفسي واتكسرت لما اتقالي إني بكرش

تحدثت الفنانة مايان السيد عن أصعب المواقف في حياتها التي تسببت لها بمشاكل نفسية، لدرجة أنها فكرة في إيذاء نفسها، وذلك ضمن حوارها مع الإعلامي أنس بوخش، في برنامج ABtalks، الذي يُعرض عبر يوتيوب.

وقالت مايان السيد : "من سنتين عملت مسلسل ماعجبش الناس وكانوا بيشتموني، وعرفت وقتها يعني إيه الناس تشتمني وتكتب كومنتات وحشة أوي".

وأضافت مايان : "كنت بقرا كل حاجة، وكنت مش واثقة في نفسي وبستنا تسقيف الناس، فتعبت أوى وفكرت في حاجات كتير، منها إني ماكملش في التمثيل، وجالي تفكير في أذية نفسي".

وأردفت مايان السيد : "بصيت وأنا في الحالة دي ولقيت حاجة حادة قدامي، فكنت عايزة أأذي نفسي، ولكن جريت على الدكتور النفسي تاني يوم".

وروت مايان موقف آخر تعرضت خلاله للسخرية في صغرها، قائلة : "وأنا صغيرة واحدة قريبة مننا جدًا قالتلي إنتي عندك كرش، من ساعتها حاجة اتكسرت جوايا، وقعدت شهر ماكنتش باكل خالص، لحد ما جالي أنيميا وبقى يغمى عليا من قلة الحديد".

وأكملت : "اللحظة دي خلتني بعد كده لما أتخن أخس بأي طريقة، ولما عرفت إن الخل بيخسس بقيت بشرب خل، وأما ألاقي دوا آخده عليان أخس، لدرجة إني قعدت سنتين آخد دوا مرة في الأسبوع لوحدي من غير استشارة دكتور علشان ما ماكلش".

وواصلت مايان السيد : "من كتر ما أنا ماكنتش باكل مابقتش عايزة أشرب مية، وبروح الشغل تعبانة، وبقى الدوا إدمان بالنسبالي".