الملحن نادر نور ينفي خلافه مع رامي صبري |صورة

نفى الملحن نادر نور وجود خلاف مع المطرب رامي صبري، بعد تصريحات الأخيرة التي أشار من خلالها رامي إلى عدم رده على الملحنين بسبب عدم التجديد، وربط الكثيرون حديثه بـ نادر، بعدما أكد الملحن معاناته من قلة العمل في الفترة الأخيرة.

وشارك نادر نور عبر حسابه الشخصي على فيسبوك "سكرين شوت" لمحادثة بينه وبين رامي صبري على واتساب، حيث كتب رامي لـ نادر : "صحیت النهارده لقيت الاستوري بتاعتي ملمسة عليك معرفش إزاي وليه ؟، بس ببعتلك أقولك لأنه يهمني تفهم، أكيد كلامي مش عليك أبدًا ولا يخصك أبدًا، أنا بتكلم بشكل عام، بس هي شكلها جت فيك من غير قصد".

وعلق نادر نور على المحادثة نافيًا وجود خلاف بينهما، حيث كتب : “ولا يهمك يا حبيبي وأنا مصدقك”.

وكان قد رد الفنان رامي صبري على الانتقادات التي تعرض لها مؤخرًا، بعد كشفه سبب عدم رده على عدد من الملحنين والشعراء الذي يرغبون في العمل معه.

وقال رامي صبري في فيديو عبر ستوري إنستجرام : "مش عارف فيه ناس متضايقة أوي إني كتبت ستوري بقول فيها إن الملحنين اللي بيبعتولي شغل مابيعملوش حاجات مختلفة، أيوا دي حقيقة، يعني أعملها وخلاص علشان هي بتتبعتلي ؟".

وأضاف رامي : "أنا بعمل الحاجات اللي شايفها من وجهة نظري أنا إنها مختلفة وجديدة، فا ده مش المفروض إنه يضايق حد، والمشكلة مش في الملحلنين والشعراء كلهم كويسين، بس إحنا الفكرة كمطربين في السوق 10 بالكتير بس الملحنين والشعراء كتير، فا الموضوع صعب إنك تشتغل مع المطربين".

واختتم رامي صبري : "وبشكر معالي المستشار على دعمه لينا دائمًا كفنانين، وأتمنى التوفيق للجميع".