إيساف يوجه رسالة غامضة لجمهوره: "الموت والفرح إحساسهم بقى هش"

وجه المطرب إيساف، رسالة غامضة لجمهوره، عبر حسابه الرسمي على موقع التواصل الاجتماعي "فيسبوك".

وكتب إيساف، قائلًا: "افتعال كبير في حقايق وثوابت ليها أصول خلي الإحساس بيها بقي مزيف وهش زي الموت والفرح والحج والرحمة".

وتابع إيساف، قائلًا: "هي الناس مالها جرالها إية لا فقد بيأثر ولا لحظة تجلي وخلوه مع الله، وبهرجة أفراح من غير فرح حقيقي  ورحمة مزيفة دمها تقيل، كل ده هان المهم اللقطة الإ من رحم ربي".

واختتم إيساف، قائلًا: "إذا مكنش إحساسك وتأثرك في الأوقات دي أهم من إنك توري الناس إنت إزاي زعلان ولا إزاي فرحان ولا إزاي إنت مبروك وبتعمل حج ولا عمرة ولا في بتصلي كنيسة ولا إزاي إنت حنين مع الحيوان قبل الإنسان حتي يبقي إنت عندك مشكلة و للأسف اللي بيحصل حواليك سيطر عليك".

تحويل إيساف لمبلغ مالي بالخطأ

في سياق منفصل، قد أعلن المطرب إيساف عن تحويله لمبلغ مالي كبير لشخص ما عن طريق الخطأ وعلى الفور تواصل مع الشخص لاسترجاع المبلغ مرة أخرى ليتفاجأ باحترام الشخص وقبوله لرد المال لإيساف مرة أخرى. 

وكتب إيساف، عبر صفحته الشخصية على موقع التواصل فيس بوك : حولت مبلغ كبير بالغلط واتصلت بيه ورد عليا قلتله حولتلك فلوس بالغلط قالي فعلا حصل وهرجعهوملك حالا وفعلا رجعهم في دقيقة ، كلمته حبيت اعرف هو مين و منين و عنده كام سنة لقيته من الاقصر بلد الاصل والاصول والكرم انا رحت قبل كده وشوفت فيها اطيب ناس وكرم مالوش حساب وطلع شب عنده ٢٢ سنه بس راجل عارف الصح من الغلط.

وأضاف إيساف، قائلًا: "مع إن السن ده غالباً بيشوف الحاجات دي فهلوة الا من رحم ربي عرفته بنفسي و قلتله ده رقم تليفوني و يشرفني اسأل عليك ديما وتسأل عليا وتحية للأب والأم اللي ربوا لان النموذج ده اصبح قليل جدا في أيامنا دي بصراحة (دنا مرة حولت 200 جنية) بالغلط كلمتهم لقيتهم عيله كاملة قاعدة مع بعضها قلتلهم انا حولت فلوس بالغلط شتموني ههههه وده الفرق بين الجعان والشبعان".