بعد واقعة انتهاك حرمة المقابر.. إيساف: "الأهالي خلفت وسابتهم للريتش"
خرج المطرب إيساف عن صمته بعد واقعة انتهاك حرمة الموتى بسبب انتشار فيديو لفتاة من داخل المقابر على مواقع التواصل الإجتماعي، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
إيساف يعلق على واقعة انتهاك حرمة الموتى
وقال إيساف معلقًا: “مبحبش انشر وإلا اركز في التافهين والمفسدين أو مشاهير و مرضي الخيبة اللي انتشروا زي السرطان، لكن هنا مقدرتش اتفرج و اعدي لأن الفيديو ده خطر و مخيف و لعين و خسيس أكتر من إبليس ده إبليس نفسه معملش كده للأسف بشدة بقي عندنا جيل الظاهر كده أهله خلفوه و سابوا الريتش والترند يكملوا الباقي، وده ناتج للعبث اللي بنشوفه بقالنا كام سنة و كنا بنحذر منه شوفتوا بقي وصلنا لفين ولو محصلش وقفة ووقفة أكتر من كده هنوصل لأخطر من كده، دحنا لما بنعدي علي مقابر فيها حبيب أو غريب بنخشع و نتعظ لو حتي وقت المرور و بنفوق لحقيقة الحياة والدنيا و بنسلم عليهم بكل خشوع و انكسار واحترام و ندعوا لهم بكل صدق، أين حرمة الموتي وأين هيبة الموت وعظة المكان والحالة، بجد جيل يعر و بقي يخوف اوي إلا من رحم ربي”.
موقف محرج لـ إيساف
في سياق منفصل، قد أعلن المطرب إيساف عن تحويله لمبلغ مالي كبير لشخص ما عن طريق الخطأ وعلى الفور تواصل مع الشخص لاسترجاع المبلغ مرة أخرى ليتفاجأ باحترام الشخص وقبوله لرد المال لإيساف مرة أخرى.
وكتب إيساف عبر صفحته الشخصية على موقع التواصل فيس بوك: “حولت مبلغ كبير بالغلط واتصلت بيه ورد عليا قلتله حولتلك فلوس بالغلط قالي فعلا حصل وهرجعهوملك حالا وفعلا رجعهم في دقيقة ، كلمته حبيت اعرف هو مين و منين و عنده كام سنة لقيته من الاقصر بلد الاصل والاصول والكرم انا رحت قبل كده وشوفت فيها اطيب ناس وكرم مالوش حساب وطلع شب عنده ٢٢ سنه بس راجل عارف الصح من الغلط .”
وأضاف: “مع إن السن ده غالباً بيشوف الحاجات دي فهلوة الا من رحم ربي عرفته بنفسي و قلتله ده رقم تليفوني و يشرفني اسأل عليك ديما وتسأل عليا وتحية للأب والأم اللي ربوا لان النموذج ده اصبح قليل جدا في ايامنا دي بصراحة (دنا مرة حولت ٢٠٠ جنية ) بالغلط كلمتهم لقيتهم عيله كاملة قاعدة مع بعضها قلتلهم انا حولت فلوس بالغلط شتموني ههههه وده الفرق بين الجعان والشبعان .”
