"مامته مش عاوزة الجوازة".. أول تعليق للفتاة المتعدي عليها من شاب داخل مطعم
كشفت مروة صاحبة الفيديو المتداول أثناء الاعتداء عليها من شاب داخل مطعم في مدينة نصر، تفاصيل الواقعة ، موضحة أن علاقتها بالشاب كانت تقتصر على العمل فقط ، حيث يعمل هو في المطبخ، بينما تعمل هي "كابتن أوردر".
وقالت مروة في فيديو لها عبر مواقع التواصل الاجتماعي "مافيش بيني وبينه أي حاجة، اللي بينا شغل فقط، وحصلت بينا خلافات بسيطة قبل كده، وهو غلط وشتم، وكان ناوي يضربني بس زمايله منعوه، وبعد كده سامحته ورجعنا نشتغل عادي .
وأضافت: "من كام يوم الست بتاعت النظافة عرفنا إن هي جايبه له عروسة، فدي حاجة لا تخصني ولا تخص أي حد، أنا ماعرفش، فالمهم اليوم اللي هو كان إجازة فيه واللي أنا اتضربت فيه ، أنا ما أعرفش لحد دلوقتي أنا انضربت ليه."
وأشارت مروة "فبعد ما حصل اللي أنتم شفتوه في الفيديو ده، رجعت أسأل أنا ضربني أو عمل فيا كده ليه، قالولي انتِ قايلة للست بتاعت النظافة إن ده راجل بتاع بنات ومش كويس ومش محترم ومش بتاع جواز .
وأكدت: "أنا مقلتش كده ولا اتكلمت أصلًا، بالعكس، جت سألتني أنا و اللي شغال معايا، وقلنا إن هو غلبان وطيب وجدع، إحنا قلنا كده لأن إحنا عارفين إن هو شخص مش كويس وممكن يغلط فينا .
واختتمت مروة قائلة : "المهم أنا رحت تاني يوم الواقعة ووجهت الست، قالتلي إنها لم تقل أي شيء، فطلع في الآخر إن مامته مش عاوزة الجوازة، ومامته عارفة إني أنا وهو دايمًا على خلاف، فجابت سيرتي أنا علشان عارفة إنه هيصدق إن أنا اللي قولت، فأنا ذنبي إيه علشان اتضرب كده؟ وعيني كانت هتروح، وأنا تعبانة ومُتدمرة بسبب اللي حصللي، ولا عارفة آكل ولا أنام، وأنا مش عارفة آخد حقي.
شاهد على تعدي شاب على سيدة في مكان عملها: نصحت صديقتها بعدم الزواج منه
يذكر ان نشر أحد رواد مواقع التواصل الاجتماعي مقطع فيديو يظهر خلاله قيام أحد الأشخاص بالتعدى بالضرب على إحدى السيدات أثناء عملها في أحد المطاعم وأحدث بها إصابات.
أثارت الواقعة غضبًا عارمًا على منصات التواصل الاجتماعي، وسط مطالبات باتخاذ إجراءات قانونية ضد مرتكب الواقعة، بعد تعرض الفتاة إحدى إغماء من شدة الصفع على وجهها.
الأمن يفحص فيديو التعدي على سيدة في محل عملها
بدورها تقوم الأجهزة الأمنية بوزارة الداخلية بفحص ملابسات تداول مقطع فيديو على مواقع التواصل الإجتماعى يتضمن قيام أحد الأشخاص بالتعدى بالضرب على سيدة، وصفعها على وجهها في أحد المطاعم محل عملها، للوقوف على ملابسات الواقعة، واتخاذ الإجراءات القانونية اللازمة حيال الواقعة.
