نقيب الأطباء: أطباء مصر لن يحلوا أزماتهم من جيوب المرضى

تحدث الدكتور أسامة عبد الحي نقيب عام أطباء مصر، عن مقترح رفع سعر الكشف لـ 1000 جنيه بالعيادات الخاصة، قائلا: «هذا الكلام ليس له أي أساس من الصحة، وفي أطباء كتيرة جدا نتيجة ضغط الحياة بيقرر إنه بدل ما يرفع الفيزيتة بيزود الكشوفات بدل ما كان بيقبل 20 كشف يخليهم 25». 

سبب لجوء المرضى للقطاع الخاص

وأضاف، خلال مداخلة هاتفية مع الإعلامي سيد علي برنامج «حضرة المواطن»، المذاع على قناة الحدث اليوم: «ليه المرضى بتوعنا بيلجأوا للقطاع الخاص؟، الإجابة عشان مستشفيات الحكومة غير كافية ومش بتقدم الخدمة اللي احنا بنتمناها، والأطباء نفسهم بيلجأوا لها عشان مرتبات الحكومة ضئيلة جدا».

العلاج الحقيقي للموقف

وتابع: «العلاج الحقيقي للموقف إنه على الحكومة أن تسعى لتحسين الخدمات المقدمة في المستشفيات الحكومية وتحسين ميزانية الصحة ودخل الأطباء، مينفعش الطبيب الأخصائي في المستشفيات الحكومية مرتبه ميعديش الـ 10 آلاف جنيه».

مطالبة عاجلة للحكومة

وواصل نقيب عام أطباء مصر: «أطالب الحكومة مرارا وتكرارا تقليل شروط العيادات التي تزيد من تكلفة العيادة، لإن ك ما تحط أعباء على العيادة كل ما الطبيب غصب عنه هيحمل الأعباء دي على المريض». 

نقيب الأطباء يطمئن المواطنين

وأكد: «رحمة بالمرضى والعيادات والأطباء، احنا مش جايين نصعبها على المريض وأصحاب العيادات، أطباء مصر عمرهم ما هيحلوا مشكلتهم على حساب أو من جيوب المرضى، لأن المرضى دول أهالينا وإخواتنا، وفي أطباء كتير لما يلاقوا المريض حالته المادية لا تسمح بيعفوه من الأتعاب».

واختتم: «بطمن المواطنين مفيش كلام من دا لا 500 ولا 1000 إذا كان اللي بياخدوا أسعار عالية ميجوش نص أطباء مصر».